شرمیلا مینا راکھی نے شادی کے بعد بھی لازوال کردار کیےمادھوری ڈکشٹ

خاندان میرے لیے اہم اور پہلی ترجیح ہے،شوبزتقریب کی بجائے بچوں کے اسکول جاؤنگی،مادھوری۔ فوٹو: فائل

---

KARACHI: بالی وڈ اداکارہ مادھوری ڈکشٹ نے کہا ہے کہ یہ تصور درست نہیں کہ شادی شدہ اداکارائوں کو فلمی کردار نہیں ملتے ۔

شرمیلا ٹیگور،میناکماری اور راکھ نے شادی کے بعد بھی لازوال کردار اداکیے ہیں۔ یہ بات انھوں نے ایک انٹرویو کے دوران کہی ۔ مادھوری کا کہنا تھا کہ بعض اداکارائیں خود ہی شادی کے بعد کام نہ کرنے کا فیصلہ کرلیتی ہیں وہ ایک الگ معاملہ ہے۔انھوں نے ایک سوال کے جواب میں کہا کہ ماضی کے مقابلے میں آج کا فلم بین بہت مختلف ہو چکا ہے ۔



اپنی شادی شدہ زندگی کے متعلق اداکارہ کا کہنا تھا کہ میرے نزدیک میرا خاندان سب سے اہم اور یہ ہی میری پہلی ترجیح ہے اگر مجھے ایک ہی موقع پر شوبز اوربچوں کے اسکول کی تقریب میں میںشرکت کرنا پڑجائے تو میں پہلے بچوں کے اسکول جانے کو ترجیح دوں گی اور اسی کے مطابق باقی دن کی مصروفیات ترتیب دوں گی اور یہ صرف ٹائم میجمنٹ ہے جو میری طرح ہر کام کرنیوالی خاتون کو کرنا پڑتی ہے ۔