جام صاحب میں لڑکی اغوا کے بعد قتل، سوختہ لاش مل گئی

نامہ نگار  اتوار 15 نومبر 2020
13سالہ نمرا کل سے لاپتہ تھی،لاش کھیتوں سے ملی،قاتل گرفتار کیے جائیں، ورثا۔ فوٹو: فائل

13سالہ نمرا کل سے لاپتہ تھی،لاش کھیتوں سے ملی،قاتل گرفتار کیے جائیں، ورثا۔ فوٹو: فائل

جام صاحب: جام صاحب میں کل رات سے لاپتہ 13 سالہ نمرا بچی کو اغوا کے بعد جلا کر قتل کر دیاگیا جب کہ پولیس نے لاش کو پوسٹ مارٹم کے لیے پی ایم سی اسپتال نوابشاہ منتقل کر دیا۔

جام صاحب پولیس اسٹیشن کی حدود میں واقع  گاؤں میر حسن رند  میں گزشتہ روز گھر سے اچانک لاپتہ ہونے والی13سالہ نمرا بنت مختار علی کی لاش مکھی گوٹھ کے قریب کھیتوں سے برہنہ حالت میں ملی ہے۔

پولیس کے مطابق لاش مٹی سے اٹی ہوئی ہے،بچی کے قتل کی وجہ جاننے کے لیے تحقیقاتی کمیٹی بنا دی ہے، پولیس نے لاش پوسٹ مارٹم کیلیے پی ایم سی اسپتال نواب شاہ منتقل کر دی۔

ڈاکٹروں کے مطابق ابتدائی میڈیکل رپورٹ سے پتہ چلا ہے کہ نمرا کو جلا کر قتل کیا گیا، بچی سے زیادتی کا پوسٹ مارٹم رپورٹ آنے کے بعد ہی بتایا جا سکتا ہے۔

دوسری جانب ورثا کا کہنا ہے ان کی بچی کل سے غائب تھی، ہماری سے کوئی دشمنی نہیں،پولیس قاتلوں کو فوری گرفتار کرے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔