جبری گمشدگیوں میں ملوث اہلکاروں کی رپورٹ آج پیش ہوگی

جبری گمشدگیوں میں ملوث ایک ایف سی اہلکارکی نشاندہی ہو چکی ہے۔ فوٹو: فائل

---

آئی جی ایف سی بلوچستان کے خلاف توہین عدالت کا مقدمہ آج سنا جائے گا، جسٹس ناصرالملک اور جسٹس اعجاز افضل خان پرمشتمل ڈویژن بینچ کیس کی سماعت کرے گا۔

قائم مقام آئی جی ایف سی جبری گمشدگیوں میں مبینہ طور پر ملوث ایف سی اہلکاروں کے بارے میں رپورٹ پیش کریں گے جبکہ لاپتہ افرادکی بازیابی کے حوالے سے جاری کوششوں میں پیشرفت سے بھی عدالت کو آگاہ کریںگے۔



عدالت صوبے میں امن وامان کے قیام اور ڈاکٹروں کو فراہم کی گئی سیکیورٹی اقدامات کا جائزہ بھی لے گی۔گزشتہ سماعت پر قائم مقام آئی جی ایف سی نے عدالت کو بتایا تھا کہ جبری گمشدگیوں میں ملوث ایک ایف سی اہلکارکی نشاندہی ہو چکی ہے۔