سربراہ کالعدم ٹی ایل پی کی کارکنوں سے احتجاج ختم کرنے کی اپیل

سعد حسین رضوی کی فائل فوٹو

---

تحریک لبیک پاکستان (ٹی ایل پی) کے سربراہ سعد حسین رضوی نے دھرنے اور احتجاج ختم کرنے کا اعلان کرتے ہوئے کارکنوں سے گھروں کو جانے کی اپیل کردی۔

وزیراعظم کے معاون خصوصی شہباز گل نے اپنے ٹویٹ کے ذریعے کالعدم تحریک لبیک پاکستان کے سربراہ سعد رضوی کا بیان پوسٹ کیا ہے جس کے مطابق کارکنوں کے نام پیغام میں حافظ سعد رضوی نے کہا ہے کہ تمام احتجاجی جلسے اور سڑکوں کی بندش کو فوری ختم کیا جائے، تمام کارکنان پرامن طور پر اپنے گھروں کو چلے جائیں اور قانون نافذ کرنے والے اداروں سے تعاون کریں۔

حافظ محمد سعد رضوی کی تازہ ترین سٹیٹمنٹ pic.twitter.com/TlytOP96CD

— Dr. Shahbaz GiLL (@SHABAZGIL) April 15, 2021

یہ پڑھیں : تحریک لبیک کراچی کے امیر کا احتجاجی مظاہروں سے لاتعلقی کا اعلان

سعد رضوی نے مزید کہا کہ مسجدرحمت اللعالمین کے باہر بھی جاری احتجاج اور دھرنا فوری ختم کر دیا جائے، ملکی مفاد کی خاطر کوئی غیر قانونی اقدام نہ اٹھایا جائے۔

یہ بھی پڑھیں: تحریک لبیک پاکستان کالعدم قرار