ارشد ندیم، طلحہ طالب اور شہروز کاشف کیلیے دس دس لاکھ روپے انعام کا اعلان

اسپورٹس رپورٹر  پير 9 اگست 2021
اسپورٹس بورڈ  پنجاب کا تینوں نوجوان کھلاڑیوں کی حوصلہ افزائی کا فیصلہ

اسپورٹس بورڈ پنجاب کا تینوں نوجوان کھلاڑیوں کی حوصلہ افزائی کا فیصلہ

 لاہور: اسپورٹس بورڈ پنجاب نے ٹوکیو اولمپکس کے ہیرو ارشد ندیم، طلحہ طالب اور کوہ پیما شہروز کاشف کو دس دس لاکھ روپے انعام دینے کا فیصلہ کرلیا۔ وزیراعلی ہاؤس میں جلد تینوں کو مدعو کیا جارہا ہے۔

ذرائع کے مطابق اسپورٹس بورڈ  پنجاب نے تینوں نوجوان کھلاڑیوں کی حوصلہ افزائی کے لیے دس دس لاکھ روپے انعام دینے کی سمری تیار کرکے وزیر اعلیٰ ہاؤس بجھوا دی ہے ۔

وزیر اعلیٰ عثمان بزدار خود اتھلیٹ ارشد ندیم، ویٹ لفٹر طلحہ طالب اور کے ٹو سر کرنے والے شہروز کاشف کو اپنے ہاتھ سے یہ انعام دیں گے۔ ٹوکیو اولمپکس میں ارشد ندیم نے جیولین تھرو ایونٹ میں پانچویں پوزیشن پائی،  ویٹ لفٹر طلحہ طالب بھی پانچویں نمبر پر رہے ہیں۔

ٹوکیو اولمپکس روانگی سے پہلے بھی اسپورٹس بورڈ پنجاب نے دونوں اتھلیٹس کی حوصلہ افزائی کی تھی، انیس سالہ شہروز کاشف کو ماونٹ ایورسٹ سر کرنے کے بعد پنجاب کا یوتھ ایمبیسڈر مقرر کیا گیا تھا،  جس کے بعد شہروز کاشف نے چند روز پہلے دنیا کی دوسری بلند ترین چوٹی پر بھی قومی پرچم لہرانے کا اعزاز اپنے نام کیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔