نیوزی لینڈ کے دورہ پاکستان کی منسوخی پر فنکاروں کا مایوسی کا اظہار

کراچی: پاکستان کے دورے پر آئی نیوزی لینڈ کرکٹ ٹیم کے بورڈ کی جانب سے گزشتہ روز اچانک سیکیورٹی خدشات کا بہانہ بناکر سیریز منسوخ کرنے اور اپنے وطن واپس جانے کے فیصلے نے جہاں شائقین کرکٹ کو مایوس کیا وہیں فنکار بھی اس فیصلے پر حیران اور پریشان ہیں اور سوشل میڈیا پر برہمی کا اظہار کررہے ہیں۔

آئیے فنکاروں کی ٹوئٹس پر ڈالتے ہیں ایک نظر۔۔۔

ہمایوں سعید نے نیوزی لینڈ کرکٹ بورڈ کے سیریز منسوخی کے فیصلے پر شدید برہمی کا اظہار کرتے ہوئے اسے نیوزی لینڈ کا عجیب اور پریشان کن اقدام قرار دیا۔ انہوں نے لکھا پوری دنیا جانتی ہے کہ پاکستان میں امن و امان  کی صورتحال مکمل کنٹرول میں ہے۔ ہماری سیکیورٹی اور انٹیلی جنس ایجنسیاں اپنے کام میں شاندار ہیں۔ بغیر کسی ثبوت کے آخری منٹ میں میچ کی منسوخی کا کوئی جواز نہیں بنتا۔ نیوزی لینڈ بورڈ کے اس فیصلے سے لاکھوں شائقین کرکٹ کو مایوسی ہوئی ہے۔

Strange & disturbing move by New Zealand. The entire world is aware law & order in Pakistan is under complete control; our security & intelligence agencies are outstanding at their job. Last minute cancellation without any proof makes NO sense! Disappointing for millions of fans!

— Humayun Saeed (@iamhumayunsaeed) September 17, 2021

گلوکار عاصم اظہر نے اس واقعے کو افسوسناک قرار دیتے ہوئے کہا ہم ایک ایسی قوم ہیں جو پوری قوت سے واپسی  کرنے پر یقین رکھتی ہے۔ پاکستان محفوظ ہے اور ہمیشہ رہے گا۔ ہم اب بھی نیوزی لینڈ یا کسی دوسری قوم کو دل کھول کر خوش آمدید کہیں گے۔ انہوں نے کہا پاکستان کو اس دنیا سے ہوشیار رہنا چاہئے۔ اب ٹی 20 ورلڈ کپ میں ملیں گے۔

Its sad but its ok. We’re a nation used to bouncing back. Pakistan is safe & always will be. We’ll still open heartedly welcome New Zealand or any other nation that thinks otherwise bcz thats who we are.

p.s. beware of a cornered Pakistan, world. See u at t20 world cup! #PAKvNZ

— Asim Azhar (@AsimAzharr) September 17, 2021

اداکار فیصل قریشی نے بھی پاک نیوزی لینڈ سیریز کی منسوخی پر مایوسی کا اظہار کرتےہوئے کہا آخری لمحات میں نیوزی لینڈ کے کھیل سے باہر ہونے کے بارے میں سن کر بہت مایوسی ہوئی۔ لاکھوں کرکٹ شائقین آج بہت مایوس ہوئے ہیں۔

Very disappointed to hear about #NZ backing out of the game at the last minute. This is just sad and shocking after all the work that had been put in by the organisers as well as the team. Millions of cricket fans have been let down today. #PAKvNZ

— Faysal Quraishi (@faysalquraishi) September 17, 2021

علی ظفر نے لکھا’’کرکٹ تو ہوگی‘‘۔

Cricket to ho gi. #NewZeland https://t.co/FQrnzqMrkE

— Ali Zafar (@AliZafarsays) September 17, 2021