پاکستان کی معروف اداکارہ ریشم اپنی روز مرہ زندگی کے حوالے سے سوشل میڈیا پر آئے دن ویڈیوز پوسٹ کرتی ہیں جو وائرل ہوتی رہتی ہیں۔
حال ہی میں اداکارہ نے ایک نئی ویڈیو اپنے سوشل میڈیا اکاؤنٹ پر شیئر کی ہے جس میں انہیں دریا میں مچھلیوں کو کھانے ڈالتے دیکھا جا سکتا ہے۔
تاہم اداکارہ نے کھانے کے ساتھ ساتھ اس کی پلاسٹک کی تھیلیاں بھی دریا میں پھینک دیں جس پر ان انہیں صارفین کی جانب سے تنقید کا نشانہ بنایا جا رہا ہے۔
ان کا اعتماد سے پلاسٹک اس طرح پھینکنا ظاہر کرتا ہے کہ ماحولیاتی آلودگی اور اس کے نقصانات کا ان کو کوئی اندازہ نہیں۔یہ وہ عمومی رویہ ہےجس کا خمیازہ ہماری زمین بھگت رہی ہے اور ہمیں اس کا نہ احساس ہے نہ دکھ۔افسوس!! pic.twitter.com/xhGPC8rMEi
- Asma Azam (@AsmaAzam71) September 12, 2022
ایک صارف نے لکھاکہ 'ان کا اعتماد سے پلاسٹک اس طرح پھینکنا ظاہر کرتا ہے کہ ماحولیاتی آلودگی اور اس کے نقصانات کا ان کو کوئی اندازہ نہی، یہ وہ عمومی رویہ ہے جس کا خمیازہ ہماری زمین بھگت رہی ہے'۔
ایک اور صارف نے لکھا کہ ریشم مچھلیوں کو کھانا تو کھلارہی ہیں لیکن ساتھ ہی انہوں نے پلاسٹک کی تھیلیاں دریا میں پھینک دیں جو مچھلیوں کو مار سکتی ہیں۔
Resham actress feeding ti fish also throwing plastic that can kill them. pic.twitter.com/oHl8kPlLBG - Sidra Sheikh (@sidrasheikh_) September 12, 2022
یاد رہے کہ پاکستان کے کئی شہروں میں پلاسٹک کی تھیلیاں استعمال کرنے پر پابندی عائد ہے، ڈبلیو ڈبلیو ایف کے مطابق سمندر میں پلاسٹک کی آلودگی آبی حیات کی بقا کے لیے باعث خطرہ بن گئی ہے۔
ریشم نے ناقدین کو جواب دیتے ہوئے اپنے ایک بیان میں کہا ہے کہ وہ چارسدہ میں سیلاب زدگان کی مدد کیلئے گئی ہوئی تھیں، 2 مرتبہ کورونا کا شکار ہوچکی ہیں جس کی وجہ سے ان کا دماغ غیر حاظر تھا اور ان سے یہ غلطی ہوگئی۔
