آصف زرداری اور خالد مقبول کی ملاقات، بلدیاتی انتخابات پر تبادلہ خیال

ویب ڈیسک  پير 28 نومبر 2022
(فوٹو : فائل)

(فوٹو : فائل)

 کراچی: پیپلز پارٹی کے شریک چئیرمین آصف زرداری اور ایم کیو ایم پاکستان کے کنوینر خالد مقبول صدیقی کے درمیان ملاقات ہوئی جس میں کراچی میں بلدیاتی انتخابات کے معاملے پر بات چیت ہوئی۔

ایکسپریس نیوز کے مطابق دونوں رہنماؤں کی ملاقات کے دوران ملک کی سیاسی صورتحال پر بھی تبادلہ خیال ہوا۔ ملاقات میں وفاقی وزیر امین الحق، صادق افتخار، ڈاکٹر عاصم اور سینیٹر سلیم مانڈی والا بھی موجود تھے۔

سابق صدر آصف علی زرداری نے کہا کہ قومی حکومت میں ہم سب کو ساتھ لے کر چل رہے ہیں اور یہی ہماری کامیابی ہے۔ ڈاکٹر خالد مقبول صدیقی نے کہا کہ ایم کیو ایم حکومت میں اپنا مثبت کردار ادا کرتی رہے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔