بھارت میں پہلی بار ایک مسلم لڑکی انڈین ایئر فورس کی فائٹر پائلٹ بن گئی

نئی دہلی: بھارتی ریاست اترپردیش کی باصلاحیت نوجوان لڑکی ثانیہ مرزا نے پہلی مسلم خاتون فائٹر پائلٹ کا اعزاز حاصل کرلیا۔

بھارتی میڈیا کے مطابق ریاست اترپردیش سے تعلق رکھنے والے ایک ٹی وی مکینیک کے بیٹی نے بڑا کارنامہ انجام دیکر مسلم کمیونیٹی کا نام اونچا کردیا۔ ثانیہ مرزا بھارتی فضائیہ میں فائٹر پائلٹ بن گئیں۔

ثانیہ مرزا کا انتخاب ملک گیر سطح پر ہونے والے ڈی این اے امتحان میں ہوا۔ وہ نہ صرف پہلی مسلم لڑکی بلکہ ریاست اترپردیش سے منتخب ہونے والی پہلی خاتون فائٹر بن گئیں۔

Mirzapur's Sania Mirza will became first Muslim woman fighter pilot after securing 149th rank in NDA exam

"I was very much inspired by Flight Lieutenant Avani Chaturvedi & seeing her I decided to join NDA. I hope younger generation will someday get inspired by me: Sania Mirza pic.twitter.com/6SMKIi2g5m

— ANI UP/Uttarakhand (@ANINewsUP) December 22, 2022

ثانیہ مرزا نے اس کامیابی کا سہرا اپنے والدین اور سینچورین ڈیفنس اکیڈمی کے سر باندھا جب کہ وہ بچپن سے ملک کی پہلی فائٹر پائلٹ اونی چترویدی کو اپنا رول ماڈل مانتی ہیں اور ان جیسا ہی بننا چاہتی تھیں۔

ثانیہ مرزا نے میڈیا سے گفتگو میں کہا کہ نیشنل ڈیفنس اکیڈمی 2022 کے امتحان میں فائٹر پائلٹ میں خواتین کے لیے صرف دو نشستیں مخصوص تھیں اور مجھے خوشی ہے کہ ان میں سے ایک میں نے حاصل کرلی۔