میجر جنرل ظہیر احمد پاکستان اسٹیل کے چیئرمین مقرر

نئے چیئرمین کو پاکستان اسٹیل کی بحالی کا اہم ٹاسک دیا گیا ہے۔ فوٹو: فائل

---

FAISALABAD: وزیراعظم نواز شریف کی طرف سے بڑے قومی اداروں کے سربراہوں کے خالی عہدوں پر تقرریوں کا سلسلہ جاری ہے۔

جمعرات کو وزیراعظم نے میجر جنرل رٹائرڈ ظہیر احمدکو پاکستان اسٹیل کا چیئرمین مقرر کردیا۔ وزیراعظم آفس کے اعلان کے مطابق پاک فوج کی انجینئرنگ کور کے رٹائرڈ میجر جنرل ظہیر احمد کو پاکستان اسٹیل ملز کا نیا چیئرمین تعینات کیا گیا ہے۔ ذرائع کے مطابق نئے چیئرمین کو پاکستان اسٹیل کی بحالی کا اہم ٹاسک دیا گیا ہے۔ حکومت کی طرف سے جلد اسٹیل مل کے لیے پیکیج کا اعلان بھی کیا جائے گا۔