لاہور میں پھیری والے کی دال سڑک پر پھینکنے والا امیر زادہ گرفتار

 لاہور: پولیس نے پھیری والے کی دال سڑک پر پھینکنے والے امیر زادے کو گرفتار کرلیا۔

سوشل میڈیا پر امیر زادے کی ریڑھی بان سے بدتمیزی کی ویڈیو وائرل ہوئی تھی۔ نواب ٹاؤن پولیس نے اپنی مدعیت میں مقدمہ درج کرلیا۔

مقدمہ سب انسپکٹر رائے اورنگزیب کی مدعیت میں درج کیا گیا جس میں ملزم عرفان خان کے خلاف دھمکیاں دینے اور  نقصان پہنچانے کی دفعات شامل کی گئیں۔ پولیس نے کارروائی کرتے ہوئے ملزم عرفان خان کو گرفتار کرلیا۔

ملزم نے پھیری والے کی دال سویاں سڑک پر پھینک دی تھیں۔ سوشل میڈیا کی ویڈیو پر ڈی آئی جی آپریشنز افضال کوثر نے نوٹس لیا تھا۔

لاہور پولیس نے شوکت خانم سگنل پر معمولی ایکسیڈنٹ پر پھیری لگانے والے شہری کے ساتھ ظلم و زیادتی کرنے والے ملزم کو گرفتار کر لیا ہے۔ مزید قانونی کاروائی جاری ہے۔ https://t.co/83HfK2QOLd pic.twitter.com/K7pTR2nitJ

— Punjab Police Official (@OfficialDPRPP) January 19, 2023

*ہر شخص اپنے حد کا فرعون ہے،*
شوکت خانم سگنل لاہور پر ایک دال بیچنے والے مزدور کی موٹر سائیکل سے غلطی سے معمولی سکریچ پڑنے پر کار والے بے حس انسان نے مزدور کی دال روڈ پر پھینک دی۔ pic.twitter.com/xkkuKXfPqY

— UMAIR AKRAM (@Umairakram32) January 19, 2023