- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
پشاور پولیس لائنز دھماکے میں فاسفورس استعمال کیا گیا، صدر مملکت
پشاور: صدر مملکت ڈاکٹر عارف علوی نے کہا ہے کہ پشاور پولیس لائنز میں ہونے والے دھماکے میں فاسفورس استعمال کیا گیا، پاکستان نے پہلے بھی دہشت گردی کا مقابلہ کیا اور اسے شکست دی، ہمارے حوصلے اب بھی جوان ہیں اورپوری قوم مل کر اب بھی دہشت گردی کو شکست دے گی۔
وہ منگل کے روز اپنے ایک روزہ دورہ پشاور کے موقع پر وزیراعلیٰ ہاﺅس پشاور میں میڈیا سے بات چیت کررہے تھے، اس موقع پر نگران وزیراعلیٰ اعظم خان اور صوبائی وزیر سید مسعود شاہ بھی ان کے ہمراہ تھے۔
صدر مملکت نے کہا کہ پشاور دھماکے کے فورا بعد نہیں آیا تاکہ امدادی سرگرمیوں میں خلل نہ پڑے، افسوس ہے کہ اتنے زیادہ افراد اس دھماکے میں شہید ہوئے، زخمیوں سے بھی ملاقات کی، جو دھماکا ہوا اس میں فاسفورس کا استعمال کیاگیا جو نہایت ہی خطرناک ہوتا ہے، دہشت گردی کا یہ گھناﺅنا واقعہ بڑا ہی تکلیف دہ ہے۔
انہوں نے کہا کہ لیڈی ریڈنگ اسپتال کی انتظامیہ کی تعریف کرتاہوں کہ اتنا بڑا دھماکا اوراس کے زخمیوں کو سنبھال لیا، شہدا کے لیے مرکز کی جانب سے بیس لاکھ روپے اور زخمیوں کو پانچ لاکھ روپے دینے کا اعلان کیا گیا ہے جس میں اضافہ ہورہا ہے ، کوئی بھی معاوضہ کسی بھی رشتہ کا متبادل نہیں ہوسکتا ،یہ دہشت گردی جو دوبارہ سر اٹھا رہی ہے اس کا قلع قمع کیاجائے گا۔
صدر مملکت کا کہنا تھا کہ پاکستان نے جس طرح گزشتہ کئی سالوں کے دوران دہشت گردی کا مقابلہ کیا اسی طرح اب بھی مقابلہ کیاجائے گا۔ دنیا کی کوئی طاقت اتنی کامیابی سے دہشت گردی کا مقابلہ نہیں کرسکتی جس طرح پاکستان نے کیا، پاکستان کے مغرب کی جانب کئی ممالک تباہ ہوئے لیکن پاکستان کی افواج ،عوامی نمائندوں ،حکومت اور عوام نے مل کر اس عفریت کو روکا ، ہم اب بھی دہشت گردی کا مقابلہ کرتے ہوئے اس کا قلع قمع کریں گے، ایک زخمی دو دھماکوں کا غازی ہے۔
ڈاکٹر عارف علوی نے مزید کہا کہ خیبرپختونخوا حکومت اور مرکزی حکومت چوکنی ہے اور ہم دہشت گردوں کا مقابلہ کرینگے ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔