بھارتی وزیراعظم نریندر مودی کا رمضان کی آمد پر خصوصی پیغام

بھارت میں آج سے رمضان کا آغاز ہوگیا

ویب ڈیسک March 24, 2023

بھارت میں رمضان کا آغاز ہوگیا، فوٹو: فائل

بھارتی وزیراعظم نریندر مودی نے رمضان المبارک کے آغاز پر مسلمانوں کو مبارک باد دیتے ہوئے نیک تمناؤں کا اظہار کیا ہے۔

بھارت میں ماہ رمضان کا آغاز آج سے ہوگیا اور پورے ملک میں مسلمانوں نے مذہبی جو ش و خروش کے ساتھ پہلی تراویح ادا کی اور پہلا روزہ رکھا۔

بھارتی وزیراعظم نریندر مودی نے ٹوئٹر پر اپنے پیغام میں رمضان کے آغاز پر مسلمانوں کو مبارک باد اور نیک تمناؤں کا اظہار کرتے ہوئے لکھا کہ دعا ہے کہ یہ ماہِ مقدس ہمارے معاشرے میں مزید اتحاد اور ہم آہنگی کا باعث ہو۔

بھارتی وزیراعظم نے اپنے پیغام میں مزید لکھا کہ اس ماہ سے غریبوں کی مدد کی اہمیت بھی اجاگر ہوتی ہے۔

نریندر مودی نے اپنے اس پیغام کے آخر میں دستخط بھی کیے۔