امریکا میں پروفیشنل فائٹس جیتنے والے کک باکسر کا وطن واپسی پر شاندار استقبال

امریکا میں پروفیشنل فائٹس جیتنے کے بعد کک باکسر شاہ زیب رند وطن واپس پہنچ گئے۔

ترجمان وزیراعلی بلوچستان بابر یوسفزئی اور محکمہ کھیل کے حکام نے کوئٹہ ائیرپورٹ پر کک باکسر شاہ زیب کا پرتباک استقبال کیا۔

اس موقع پر ترجمان وزیراعلیٰ بلوچستان بابر یوسفزئی میڈیا سے گفتگو کرتے ہوئےکہا کہ شاہ زیب رند نے پوری دنیا میں پاکستان کا نام روشن کرتے ہوئے ہیوی فائٹ جیتی، وہ بلوچستان کا فخر ہیں۔

وزیر اعلیٰ کی مکمل ہدایات ہیں کہ شاہ زیب رند کے ساتھ ہر ممکن تعاون فراہم کیا جائے۔

تین بار پاکستان کے قومی ووشو چیمپئن شاہ زیب رند نے کہا کہ دورہ امریکا اچھا ٹور رہا، ہمیشہ پاکستان کیلئے کھیلوں گا۔ بلوچستان کے نوجوانوں میں بہت ٹیلنٹ ہے اُسے نکھارنے کی ضرورت ہے۔