بھارت ٹرانسفر نہ ملنے پر خاتون زرعی سپروائزر نے خودکشی کرلی

29 سالہ میرا کماری نے چھت سے لٹک کر خودکشی کرلی؛ فوٹو: ٹوئٹر

---

بھارت میں 29 سالہ خاتون زرعی سپروائزر نے سرکاری گھر میں پنکھے سے لٹک کر اپنی جان دیدی۔

بھارتی میڈیا کے مطابق مِیرا کماری راجھستان کے علاقے میگھوال میں سرکاری گھر میں رہائش پذیر تھیں جب کہ ان کے والدین آبائی علاقے میں رہتے تھے۔

صبح جب زرعی سپروائزر میرا کماری اپنے گھر سے باہر نہ آئیں اور بار بار پکارنے پر دروازہ نہ کھولا تو پڑوسی دروازہ پھلانگ کر گھر کے اندر گئے اور کمرے کی کھڑی سے دیکھا کہ خاتون آفیسر چھت کے پنکھے سے لٹکی ہوئی ہیں۔

پڑوسیوں نے پولیس کو اطلاع دی۔ لاش کو پوسٹ مارٹم کے لیے اسپتال منتقل کردیا گیا۔ خاتون کے کمرے سے خودکشی نوٹ یا ایسے شواہد نہیں ملے جس سے ان کی خودکشی کی وجہ کا پتہ چل سکے۔

خاتون سرکاری زرعی آفیسر کے والد اوم پرکاش نے صحافیوں کو بتایا کہ گزشتہ شب ہی بیٹی سے آخری بار بات کی تھی اور اس نے بتایا تھا کہ وہ اپنی ملازمت میں اچھی طرح سے ایڈجسٹ نہیں ہو پا رہی ہے۔ وہ بیکانیر ڈویژن ٹرانسفر کرانا چاہ رہی ہے تاکہ ہم سب ایک ساتھ رہ سکیں۔