وزیراعظم کی فوک گلوکارصادق فقیرکی میت سعودی عرب سے پاکستان لانے کی ہدایت

صادق فقیر عمرے کی ادائیگی کے لیے سعودی عرب گئے تھے جہاں عرفات سے واپس آتے ہوئے ٹریفک حادثے میں انتقال کرگئے,فوٹو فائل

---

وزیراعظم نوازشریف نے فوک گلوکارہ صادق فقیر حسین کے انتقال پر دکھ اورافسوس کا اظہارکرتے ہوئے وزارت خارجہ کو ہدایت جاری کی ہے ان کی میت پاکستان لانے کے انتظامات کئے جائیں۔

صادق فقیر عمرے کی ادائیگی کے لیے سعودی عرب گئے تھے جہاں عرفات سے واپس آتے ہوئے ٹریفک حادثے میں انتقال کرگئے جب کہ ان کے اہل خانہ اب بھی مکہ مکرمہ کے اسپتال میں زیرعلاج ہیں۔

صادق فقیر کا تعلق صوبہ سندھ سے ہے اورانہوں نےاپنی گلوکاری کی ابتدا نجی محفلوں سے کی جس کے بعد وہ ریڈیو پاکستان سے وابستہ ہو گئے جب کہ انہوں نے نے مختلف شعرا کا کلام اپنی آوازمیں گا کرخوب پزیرائی حاصل کی۔