اداکاری سے زیادہ ماڈلنگ کرنا پسند ہے متیرا

مجھے پرانے گانے بہت اچھے لگتے ہیں ،خاص طور پر نورجہاں ، مہدی حسن ، غلام علی اور لتا کے گانے پسند ہیں،متیرا فوٹو : فائل

---

اداکارہ و ماڈل متیرا نے کہا ہے کہ شوبز میں آنا میرے لیے اتفاق ہے ۔

مجھے راشد خواجہ نے فیشن شو میں بطور مہمان متعارف کروایا جس کے بعد میری شوبز زندگی کا آغاز ہوگیا ،میں پانچ ، چھ ٹی وی ڈرامے کرچکی ہوں مگر مجھے اداکاری سے زیادہ ماڈلنگ کرنا پسند ہے ۔ایک انٹر ویو کے دوران انھوں نے کہاکہ مجھے پرانے گانے بہت اچھے لگتے ہیں ،خاص طور پر نورجہاں ، مہدی حسن ، غلام علی اور لتا کے گانے پسند ہیں ۔ جب کہ مجھے میک اپ کرنا بھی اچھا لگتا ہے۔