تحفظ نسواں قانون پہلے ہوتا توعمران خان کو بھی ہتھکڑی لگ سکتی تھی رانا ثناء اللہ

 پرویزالہیٰ کےدورکی کرپشن، لوٹ ماراوراقرباپروری سےعوام بخوبی واقف ہیں،صوبائی وزیر:فوٹو:فائل

---

لاہور: پنجاب کے وزیر قانون رانا ثنا اللہ کا کہنا ہے کہ ریحام خان کے ایک دو انٹرویوز سے اس بات کا اندازہ ہوا کہ اگر تحفظ نسواں قانون پہلے ہوتا توعمران خان کو بھی ہتھکڑی لگ سکتی تھی۔

فیصل آباد میں میڈیا سے بات کرتے ہوئے رانا ثنا اللہ کا کہنا تھا کہ اسلام میں بچیوں کو اللہ کی رحمت قراردیا گیا ہے، اسلام میں جائیداد میں بیٹیوں میں کو حصہ دیا جاتاہے، بل میں کوئی چیز غیر اسلامی نہیں ہے، تحفظ خواتین بل کی مخالفت کرنےوالوں کواللہ کاخوف نہیں، اسلام میں کہاں اجازت ہے کہ خاتون کو گھر سے نکال دیا جائے۔ انکا کہنا تھا کہ تحفظ نسواں قانون پہلے ہوتا تو عمران خان کو بھی کڑا لگ سکتا تھا کیونکہ ریحام خان کے ایک دو انٹرویوز سے اس بات کا اندازہ ہوا ہے کہ عمران خان کی نجی زندگی ڈسٹرب تھی۔

رانا ثنا اللہ نے کہا کہ نیب ایسا انداز اپنائے کہ ذمہ داری کا احساس ہو، نیب کی جانب سے ڈی سی او آفس پر چھاپہ مارا گیا لیکن کسی کو علم نہں تھا۔ انہوں نے کہا کہ مصطفی کمال جیسے الزامات پہلے بھی لگ چکے ہیں اس حوالے سے میرا موقف وہی ہے جو وفاقی حکومت کا ہے۔ انکا کہنا تھا کہ چوہدری برادران کی سیاست دفن ہوچکی ہے، پرویزالہیٰ کے دورکی کرپشن، لوٹ ماراور اقرباپروری سےعوام بخوبی واقف ہیں، صوبے میں جاری ترقیاتی منصوبے پرویز الہیٰ کو نظر کیوں نہیں آتے ہیں۔