معیاری طرز حکمرانی میں پنجاب دیگر صوبوں پر بازی لے گیا پلڈاٹ

2015 کے75 فیصدکے مقابلے میں76 فیصد مثبت اپرول ریٹنگ لے کرفوج پراعتمادکی ریٹنگ میں اضافہ دیکھنے میں آیا،پلڈاٹ فوٹو:فائل

---

پلڈاٹ نے وفاقی اور صوبوں میں طرزحکمرانی اورجمہوریت کے معیار سے متعلق ملک گیرعوامی سروے کے نتائج جاری کردیے ہیں جس کے مطابق پنجاب طرز حکمرانی میں چاروں صوبوں پرسبقت لے گیا جب کہ ملک کی 55 فیصد عوام کی رائے میں ملک درست سمت میں آگے نہیں بڑھ رہا۔

پلڈات کی رپورٹ کے مطابق دہشت گردی ملک کاسب سے بڑامسئلہ ہے جب کہ مہنگائی اورتوانائی بحران بڑے مسائل میں شامل ہیں، فوج پرعوام کا اعتماد برقرار ہے، 2015 کے75 فیصدکے مقابلے میں76 فیصد مثبت اپرول ریٹنگ لے کرفوج پراعتمادکی ریٹنگ میں اضافہ دیکھنے میں آیا جب کہ پولیس سے خفگی میں بھی کمی واقع ہوئی ہے۔

سروے کے مطابق وفاقی حکومت نے طرزحکمرانی کے27 اشاریوں میں سے10 مثبت اپرول ریٹنگ حاصل کی ہے، گزشتہ برس اس کے مقابلے میں فقط 6 اشاریوں میں اپرول ریٹنگ مثبت تھی، پنجاب نے ملک گیرسب سے زیادہ اپرول ریٹنگ67 فیصد حاصل کی، خیبرپختونخوا38 فیصد کے ساتھ دوسرے، بلوچستان26 فیصد جب کہ سندھ میں سب سے کم اپرول ریٹنگ25 فیصد ریکارڈ کی گئی۔

خیبرپختونخوا کے عوام نے صوبے میں طرز حکمرانی میں 25میں سے18 اشاریے مثبت رائے کااظہار کیا۔ پنجاب میں عوام نے25 میں سے 15 اشاریوں، بلوچستان میں25 میں سے12، سندھ میں 25میں سے2 اشاریے مثبت ریٹنگ دی۔

وفاقی حکومت نے بچوں کے حفاظتی ٹیکوں کے اشاریے میں سب سے زیادہ77 فیصداپرول ریٹنگ کی، بیروزگاری کے خاتمہ میں کارکردگی مایوس کن31 بتائی گئی۔ عوام نے وزیراعظم کی کارکردگی پراطمینان کااظہاربھی کیا، 58 فیصدنے اپرول ریٹنگ مثبت جب کہ41 فیصدنے منفی رائے دی۔