شعیب ملک انٹرنیشنل کیریئر جاری رکھنے کے خواہاں

ایک مداح نےشعیب ملک سےسوال کیا کہ ”کیا ریٹائرمنٹ کا کوئی ارادہ ہے؟“ جس پرانہوں نے مختصراً جواب دیا ”نہیں“۔ فوٹو/پی سی بی/فائل

---

قومی کرکٹر شعیب ملک نے انٹرنیشنل کیریئر جاری رکھنے کا عندیہ دیا ہے۔

شعیب ملک نے سماجی رابطے کی ویب سائٹ ٹویٹر پرایک ٹویٹ میں تمام دوستوں کو عید کی مبارکباد دی اور کہا کہ امید ہے ہر ایک کے پاس اس کے اہلِ خانہ کے لیے وقت ہوگا جب کہ آج ہمیں بات کرنی ہے اور آپ مجھ سے سوال کرسکتے ہیں، اس پر ایک مداح نے ان سے سوال کیا کہ "کیا ریٹائرمنٹ کا کوئی ارادہ ہے؟" جس پر آل راﺅنڈر نے مختصراً جواب دیا۔ "نہیں"۔ جس سے یہ ظاہر ہوتا ہے کہ وہ ابھی انٹرنیشنل کیریئر جاری رکھنے کے خواہاں ہیں اور ریٹائرمنٹ کے حوالے سے نہیں سوچ رہے۔

Eid Mubarak doston 🤗

Hope every1's having lots of quality family time. We should talk today, been a while! How about #AskMalik at 11pm PST?

— Shoaib Malik 🇵🇰 (@realshoaibmalik) June 26, 2017

Nope

— Shoaib Malik 🇵🇰 (@realshoaibmalik) June 26, 2017

واضح رہے کہ شعیب ملک چیمپئنز ٹرافی کے فاتح پاکستانی اسکواڈ کا حصہ تھے، اگرچہ وہ میدان میں تو خاطر خواہ کارکردگی نہیں دکھا سکے تاہم بھارت کے ہاتھوں پہلے میچ میں شکست کے بعد پلیئرز میٹنگ میں انہوں نے جذباتی تقریر کرتے ہوئے پلیئرز کو پرفارم کرنے پر ابھارا تھا، فائنل میں بھارت کو شکست کے بعد کئی پلیئرز نے شعیب ملک کی اس تقریر کو باعث تحریک قرار دیا تھا۔