پاک فوج نے آرمی چیف کے ملک ریاض سے تعلقات کی خبروں کی تردید کردی

رائٹرز بھی آرمی چیف کے ملک ریاض کے ساتھ تعلقات والے اپنے انٹرویو سے دستبردار ہو چکا ہے، میجر جنرل عاصم سلیم باجوہ۔ فوٹو: فائل

---

پاک فوج نے آرمی چیف جنرل راحیل شریف کے بحریہ ٹاؤن کے سربراہ ملک ریاض سے تعلقات سے متعلق خبروں کی سختی سے تردید کر دی ہے۔

پاک فوج کے ترجمان میجر جنرل عاصم سلیم باجوہ کی نے سوشل میڈیا ویب سائٹ ٹوئٹر پر جاری اپنے پیغام میں کہنا ہے کہ آرمی چیف جنرل راحیل شریف کے ملک ریاض سے نہ کوئی تعلقات ہیں اور نہ ہی کوئی واقفیت۔ ان کا مزید کہنا تھا کہ آرمی چیف کے ملک ریاض سے تعلقات کی خبریں بے بنیاد ہیں۔

#COAS has no relationship and no acquaintance with Malik Riaz.Reuters has also withdrawn its story due to same incorrect comment-3

— Gen(R) Asim Saleem Bajwa (@AsimBajwaISPR) March 30, 2016

ترجمان پاک فوج کا مزید کہنا تھا کہ غیر ملکی خبر رساں ادارہ رائٹرز بھی آرمی چیف کے ملک ریاض کے ساتھ تعلقات والے اپنے انٹرویو سے دستبردار ہو چکا ہے۔

Story alleged qutong Malik Riaz that he had some relationship with #COAS. I categorically rebut such uncalled for&unfounded allegation-2

— Gen(R) Asim Saleem Bajwa (@AsimBajwaISPR) March 30, 2016

واضح رہے کہ 2 روز قبل رائٹرز نے ملک ریاض کے حوالے سے اپنی خبر میں کہا تھا کہ آرمی چیف جنرل راحیل شریف کے بزنس ٹائیکون کے ساتھ تعلقات ہیں۔