- گھٹیا مہم کسی کے بھی خلاف ہو ناقابل قبول ہے:فیصل واوڈا
- چیمپئنز ٹرافی پاکستان میں ہی ہوگی، ٹیموں کو شیڈول بھیج دیا ہے، چیئرمین پی سی بی
- پنجاب کی بیورو کریسی میں بڑے پیمانے پر اکھاڑ پچھاڑ، 49 افسران کے تبادلے
- یوم مزدور پر صدر مملکت اور وزیراعظم کے پیغامات
- بہاولپور؛ زیر حراست کالعدم ٹی ٹی پی کے دو دہشت گرد اپنے ساتھیوں کی فائرنگ سے ہلاک
- ذوالفقار علی بھٹو لا یونیورسٹی میں وائس چانسلر کے لیے انٹرویوز، تمام امیدوار ناکام
- پیٹرولیم مصنوعات کی قیمتوں میں کمی کا اعلان
- گجر، اورنگی نالہ متاثرین کے کلیمز داخل کرنے کیلیے شیڈول جاری
- نادرا سینٹرز پر شہریوں کو 30 منٹ سے زیادہ انتظار نہیں کرنا پڑے گا، وزیر داخلہ
- ڈونلڈ ٹرمپ پر توہین عدالت پر 9 ہزار ڈالر جرمانہ، جیل بھیجنے کی تنبیہ
- کوئٹہ میں مسلسل غیر حاضری پر 13 اساتذہ نوکری سے برطرف
- آن لائن جنسی ہراسانی اور بلیک میلنگ میں ملوث ملزم گرفتار
- انکم ٹیکس جمع نہ کروانے والے پانچ لاکھ سے زائد شہریوں کی موبائل سمز بلاک
- میئر کراچی کا وزیراعظم کو خط، کراچی کے ٹریفک مسائل پر کردار ادا کرنے کی درخواست
- رانا ثنا اللہ وزیراعظم کے مشیر تعینات، صدر مملکت نے منظوری دے دی
- شرارتی بلیوں کی مضحکہ خیز تصویری جھلکیاں
- چیف جسٹس مداخلت کاروں کی خاموش سرپرستی کے بجائے تمام تجاویز سامنے لائیں، پی ٹی آئی کا مطالبہ
- کراچی پولیس کا اسٹریٹ کرمنلز کے خلاف کریک ڈاؤن کا فیصلہ
- ججز کے خط سے متعلق ازخود نوٹس کیس میں پشاور ہائیکورٹ کی تجاویز سامنے آگئیں
- آئی ایم ایف سے 1.1 ارب ڈالر اسٹیٹ بینک کے اکاؤنٹ میں منتقل
بھارتی سنسر بورڈ نے ’’پدماوت‘‘ پر دل کھول کر قینچی چلادی
ممبئی: بھارت کی متنازعہ ترین فلم’پدماوت‘کی مشکلات ابھی ختم نہیں ہوئیں تھیں کہ بھارتی سنسر بورڈ نے قینچی چلاکر فلم کی کہانی کو مکمل طور پر تصوراتی واقعات میں ڈھال دیا۔
ہدایت کار سنجے لیلا بھنسالی کی 190 کروڑ کے بڑے بجٹ سے بننے والی فلم ’پدماوتی‘مکمل ہونے کے باوجود تاحال ریلیز نہیں ہوسکی ہے۔ ہندو انتہا پسندوں نے فلم کی کہانی اور رانی پدمنی کے کردار پر اعتراض کرتے ہوئے کہا تھا کہ فلم میں رانی پدمنی کے کردار کو توڑ مروڑ کر پیش کیا گیا ہے جب کہ بہت سے تاریخی واقعات کو مسخ کرنے کی کوشش کی گئی ہے لہٰذا اگر فلم ریلیز کی گئی تو ہم سنجے لیلا بھنسالی کا سر اور دپیکا پڈوکون کی ناک کاٹ دیں گے۔
اس خبرکوبھی پڑھیں: نئے نام اور نئی تاریخ کے باوجود ’پدماوتی‘ مشکلات سے دوچار
بھارتی سنسر بورڈ نے فلم کا نام ’پدماوتی‘سے تبدیل کرکے ’پدماوت‘ کرنے کی شرط پر فلم کو ریلیز کی اجازت دے دی تھی فلم 25 جنوری کو نمائش کے لیے پیش کی جانی تھی تاہم اب اطلاعات سامنے آئی ہیں کہ سنسر بورڈ نے صرف فلم کانام ہی نہیں بلکہ فلم کے 300 سینز پر قینچی چلادی ہے، جس کے بعد فلم کی کہانی مکمل طور پر تصوراتی ہوگئی ہے، یہ بھی کہا جارہا ہے کہ 300 کٹ لگانے کے بعد کہانی میں بچے گا کیا۔
بھارتی میڈیا کے مطابق سنسر بورڈ نےفلم سے دلی، چتوڑ اور میواڑ جیسے نام ہٹادئیے ہیں، لہٰذا 25 جنوری کو سینما گھروں میں شائقین جو فلم دیکھیں گے وہ پوری طرح ایک تصوراتی کہانی پر مبنی ہوگی کیونکہ مختلف جگہوں کے نام ہٹانے کے بعد شائقین سمجھ نہیں سکیں گے کہ یہ تاریخی واقعات آخر کس شہر اور کس مقام پر ہوئے تھے۔ اس کے علاوہ دیکھنے والوں کو یہ بھی پتہ نہیں چل سکے گا کہ علاؤالدین خلجی کہاں سے آیا اور کس جگہ پر اس کی راجپوتوں کے ساتھ جنگ ہوئی۔ میڈیا رپورٹس کے مطابق ابھی بھی فلم کی ایڈیٹنگ کاکام چل رہا ہے۔
اس خبرکوبھی پڑھیں: ’پدماوتی‘کیلیے بھارتی سنسر بورڈ میدان میں آگیا
سنجے لیلا بھنسالی اگر 25 جنوری کو فلم ریلیز کرنے میں کامیاب ہوگئے تو بھی ان کی مشکلات ختم نہیں ہوئی، ایک طرف تمام تر اقدامات کے باوجود ہندو انتہا پسند راجپوتوں کی تنظیم کرنی سینا نے دھمکی دی ہے کہ اگر فلم ریلیز ہوئی تو سینما گھروں میں توڑ پھوڑ کی جائے گی۔ دوسری طرف اسی دن اکشے کمار کی فلم ’پیڈ مین‘ بھی ریلیز ہورہی ہے۔
بھنسالی کے قریبی ذرائع کا کہنا ہے کہ ’پیڈ مین‘ کی ریلیز کو آگے لے جانے کے لیے اکشے کمار سے رابطہ کیا گیاتھا لیکن انہوں نے صاف الفاظ میں کہہ دیا ہے کہ فلم اعلان کردہ تاریخ پر ہی ریلیز کی جائے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔