10 روپے کے سکے پر قائد اعظم کی تصویر نہ ہونے پر پشاور ہائیکورٹ میں رٹ دائر

کرنسی کسی بھی ملک کی پہچان ہوتی ہے۔ جب کرنسی نوٹ پر قائد اعظم کی تصویر ہوسکتی ہے تو سکے پرکیوں نہیں، موقف۔ فوٹو: فائل

---

پشاور ہائی کورٹ میں 10 روپے کے سکے پر قائداعظم کی تصویر نہ ہونے کے خلاف رٹ دائر کردی گئی۔

دس روپے کے سکے پر قائداعظم کی تصویر نہ ہونے کے خلاف رٹ پشاور ہائی کورٹ کے وکیل نجب خلیل کی جانب سے دائر کی گئی جس میں موقف اختیار کیا گیا ہے کہ کرنسی کسی بھی ملک کی پہچان ہوتی ہے۔ جب کرنسی نوٹ پر قائد اعظم کی تصویر ہوسکتی ہے تو سکے پرکیوں نہیں۔ نوٹ اور سکے پر بانی پاکستان کی تصویر لازمی ہے۔

واضح رہے کہ رٹ میں گورنر اسٹیٹ بینک، وزیر خزانہ، سیکریٹری برائے صدر مملکت اور پرنسپل سیکریٹری برائے وزیراعظم کو فریق بنایا گیا ہے۔