ترک صدر نے نامناسب ٹوئٹ پر یو اے ای کے وزیر خارجہ کو جھاڑ دیا

ترک صدرکی عرب امارات کے وزیرخارجہ پرشدیدتنقید:فوٹوفائل

---

لاہور: ترک صدر رجب طیب اردگان نے عثمانی دور خلافت میں مدینہ منورہ کے آخری گورنر کے متعلق توہین آمیز بات کو ری ٹوئٹ کرنے پر یو اے ای کے وزیر خارجہ کو جھاڑ دیا۔

متحدہ عرب امارات کے وزیر خارجہ شیخ عبداللہ بن زاید النیہان نے چند روز قبل ایک ٹوئٹ کو ری ٹوئٹ کیا تھا جس میں عثمانی خلافت کے آخری ایام کے دوران مکہ مکرمہ اور مدینہ منورہ کے ترک گورنر فخرالدین پاشا کے لیے توہین آمیز زبان استعمال کی گئی تھی۔ ٹوئٹ میں کہا گیا تھا کہ ترک کمانڈر فخرالدین پاشا جو کہ طیب اردگان کے اجداد میں سے ہیں، مقامی عربوں کے خلاف جنگی جرائم کے مرتکب ہوئے، انہوں نے عربوں کی املاک کو ضبط کیا، مدینہ منورہ کے خزانے کو تاراج کیا۔

President #Erdogan goes after #UAE FM @ABZayed & says:
- It is clear that you know nothing about our ancestors.
- The Arab peoples are our brothers but there are SOME rulers in the Arab world who keep targeting #Turkey to cover up their weakness & even hide their treachery https://t.co/wdTiq93bwk

— Saad Abedine (@SaadAbedine) December 20, 2017

ترک صدر نے ٹوئیٹ پر اپنے ردعمل میں متحدہ عرب امارات کے وزیرخارجہ کو 'اپنی حیثیت میں رہنے' کی تلقین کرتے ہوئے کہا کہ جب انگریزوں اور عربوں نے مدینہ منورہ کا محاصرہ کیا تو فخرالدین پاشا نے 3 سال تک مدینہ کی حفاظت کی تھی اس وقت بہتان لگانے والوں کے آبا و اجداد کہاں تھے؟۔ ترک صدر کا کہنا تھا کہ پہلے اپنی حیثیت کو پہچانو، اس کا مطلب یہ ہوا کہ تم اس ملک سے آگاہ نہیں، تم طیب اردگان سے واقف نہیں، تم اردگان کے آبا و اجداد کی تاریخ سے لاعلم ہو۔