- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
دورہ پاکستان ؛ ویسٹ انڈین پلیئرز کیلیے خزانے کا منہ کھول دیا گیا
پورٹ آف اسپین: ویسٹ انڈین پلیئرز کو دورہ پاکستان کیلیے راضی کرنے کی خاطر خزانے کا منہ کھول دیا گیا کیریبیئن بورڈ نے پی سی بی کی جانب سے دی گئی خصوصی رقم میں سے ہر پلیئر کو 25، 25 ہزار ڈالر اضافی دینے کا اعلان کردیا، 13 رکنی اسکواڈ کا اعلان ورلڈ کپ کوالیفائرز کے بعد کیا جائے گا۔
تفصیلات کے مطابق کرکٹ ویسٹ انڈیز نے اپنے تمام کنٹریکٹ یافتہ اور غیرکنٹریکٹ یافتہ پلیئرز کو تین ٹوئنٹی 20 میچز کی سیریز کیلیے پاکستان جانے کی صورت میں 25 ہزار ڈالر اضافی معاوضے کی پیشکش کی ہے، یکم سے تین اپریل تک کراچی میں مسلسل کھیلی جانے والی سیریز کیلیے 13 رکنی اسکواڈ کا اعلان زمبابوے میں جاری ورلڈ کپ کوالیفائرز کے بعد کیا جائے گا۔ پیشکش قبول کرنے والوں کو عام طور پر ملنے والے معاوضے سے 50 سے 70 فیصد زائد رقم ملے گی، عام طور پر ایک غیرکنٹریکٹ یافتہ ٹوئنٹی 20 انٹرنیشنل میچ کھیل کر 1725 سے 5 ہزار ڈالر تک حاصل کرتا ہے۔
کرکٹ ویسٹ انڈیز پاکستان کرکٹ بورڈ کی جانب سے دی گئی رقم میں سے یہ معاوضہ ادا کرے گا، پی سی بی نے یہ رقم ایف ٹی پی سے باہر سیریز کا اہتمام کرنے کی وجہ سے دی،اس کا کہنا ہے کہ وہ خود بھی 2013 میں جنوبی افریقہ کا ایسا ہی ایک ٹور کرکے ان سے اضافی رقم وصول کرچکا ہے۔ ویسٹ انڈین بورڈ کے چیف ایگزیکٹیو جونی گریو نے کہاکہ پاکستان زیادہ سے زیادہ اپنے ملک میں کرکٹ کھیلنا چاہتا ہے۔
آئندہ برس آدھی پی ایس ایل پاکستان میں کھیلی جائے گی تاہم وہ خود پلیئرز کو اپنے ملک آنے کیلیے اضافی رقم نہیں دینا چاہتے،اس لیے انھوں نے کچھ رقم ہمیں دی تاکہ ہم اس کا بہترین استعمال کرسکیں، خود بورڈ کو اس ٹور سے کچھ بھی نہیں ملے گا، ہم صرف پاکستان میں انٹرنیشنل کرکٹ کی بحالی میں مدد دے رہے ہیں۔
واضح رہے کہ براوو برادرز، پولارڈ، سنیل نارائن اور آندرے رسل کے ٹور پر نہ جانے کا امکان ہے، ڈیرن سیمی کو بورڈ خود منتخب نہیں کریگا، سینئر لیگ اسپنر سموئل بدری، ریاد ایمرٹ اور رامدین جیسے پلیئرز اپنی دستیابی ظاہر کرسکتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔