امام الحق آئر لینڈ کے خلاف ٹیسٹ ڈیبیو یادگار بنانے کے خواہشمند

انگلش کنڈیشنز ایشیائی ٹیموں کے لیے آسان نہیں ہوتیں،فٹنس کا بھی سخت امتحان ہوتاہے، امام الحق

Sports Desk May 10, 2018

انگلش کنڈیشنز ایشیائی ٹیموں کے لیے آسان نہیں ہوتیں،فٹنس کا بھی سخت امتحان ہوتاہے، امام الحق ۔ فوٹو : سوشل میڈیا

KARACHI: امام الحق آئرلینڈ کے خلاف ٹیسٹ ڈیبیو یادگار بنانے کے خواہاں ہیں۔

کیریئر کے اولین ون ڈے میچ میں سنچری بنانے والے اوپنر نے کہاکہ کوئی بھی فارمیٹ ہوپہلی اننگز کا اضافی دباؤ ضرور ہوتا ہے لیکن میں اس چیلنج کو قبول کرتے ہوئے اچھی کارکردگی دکھانے کی کوشش کروں گا۔

ایک سوال پر امام الحق نے کہا کہ انگلش کنڈیشنز ایشیائی ٹیموں کے لیے آسان نہیں ہوتیں،فٹنس کا بھی سخت امتحان ہوتاہے، ہم لاہور میں سخت ٹریننگ کے مراحل سے گزرے، انگلینڈ میں بھی کنڈیشنز سے ہم آہنگ ہونے کا موقع ملا تاہم آئرلینڈ کیخلاف کامیابی کے ساتھ ٹور کا فاتحانہ آغاز کریں گے، انہوں نے کہا کہ نوجوان کھلاڑی کرکٹ کھیلتے ہوئے آرہے ہیں،سب بہتر کارکردگی کا مظاہرہ کریں گے۔