فہد مصطفیٰ سلمان سے نہیں اکشے کمار سے بھی بڑے اداکار ہیں عثمان خالد بٹ

فہد مصطفیٰ نے اپنی فلم’لوڈویڈنگ‘میں سماجی پیغام دیا ہے، جس طرح اکشے کمار دیتے ہیں فوٹو:فائل

---

نامور پاکستانی اداکار عثمان خالد بٹ نے اداکار فہد مصطفیٰ کو سلمان خان سے نہیں بلکہ اکشے کمار سے بھی بہتر اوربڑا اداکار قرار دے دیا۔

گزشتہ چند روز قبل پاکستانی اداکار فہد مصطفیٰ نے ایک انٹرویو کے دوران اپنا موازنہ سلمان خان سے کرتے ہوئے کہا تھا کہ وہ پاکستان کے سلمان خان ہیں۔ ان کے اس بیان پر سوشل میڈیا پر جہاں کچھ لوگوں نے ان کی بات سے اتفاق کیا وہیں کچھ لوگ ناراض بھی ہوئے۔

اس خبرکوبھی پڑھیں: پاکستان کا سلمان خان ہوں

شوبز انڈسٹری سے تعلق رکھنے والے دیگر اداکار بھی فہد مصطفیٰ کے اس بیان پر ان کے ساتھ کھڑے نظر آئے۔ اداکار عثمان خالد بٹ نے ٹوئٹر پر فہد مصطفیٰ کو بالی ووڈ کے دبنگ اداکار سلمان خان سے ہی نہیں بلکہ اکشے کمار سے بھی بڑا اداکار قراردے دیا۔ انہوں نے کہا فہد مصطفیٰ نے''لوڈویڈنگ'' کے ذریعے ایک سماجی پیغام دیا ہے جس طرح اکشے کمار اپنی فلموں میں دیتے ہیں۔

To me, Fahad Mustafa is more Akshay Kumar (given his foray into socially conscious satire) than Salman - Load Wedding, with its low-stakes romance, important social message, rural realism & sharp satire (on game shows, media manipulation, watta satta & dowry)... cont'd

— Osman Khalid Butt 🇵🇸 (@aClockworkObi) August 25, 2018

واضح رہے کہ اکشے کمار کی ہر فلم میں کوئی نہ کوئی سماجی پیغام ہوتا ہے، ان کی فلموں میں ''ٹوائلٹ ایک پریم کتھا''، ''گولڈ'' اور''گبر از بیک'' شامل ہیں۔