ہالی ووڈ سپر اسٹار آرنلڈ شوارزنیگر جلد پاکستان کا دورہ کریں گے

مشیرِ وزیرِ اعظم برائے موسمیاتی تبدیلی ملک امین اسلم نے آرنلڈ شوارزنیگرسے پولینڈ میں ملاقات کی

---

ہالی ووڈ سپراسٹار آرنلڈ شوارزنیگر نے کہا ہے کہ وہ جلد پاکستان کا دورہ کریں گے۔

ہالی ووڈ اداكاراورامریكی ریاست كیلی فورنیاكے سابق گورنرآرنلڈ شوارزنیگر نے پاكستان آنے كا وعدہ كیا ہے،اس بات كاانكشاف وزیراعظم كے مشیر برائے موسمیاتی تبدیلی ملك امین اسلم نے اپنے ایك ٹویٹ میں كیا۔

ملك امین اسلم جو كہ ماحولیاتی تبدیلی كے حوالے سے ہونے والی 'عالمی کانفرنس آف پارٹیز24' میں شركت كے لیے پولینڈ میں موجود ہیں جہاں انہوں نے اپنے ٹویٹراكاؤنٹ پرہالی ووڈ اداكارآرنلڈ شوار زنیگر كے ساتھ اپنی تصویر اپلوڈ كی اور لكھا كہ آرنلڈ شوار زنیگرموسمیاتی تبدیلیوں كے پاكستان پر منفی اثرات كے حوالے سے شعور اجاگر كرنے كے لیے پاكستان كا دورہ كریں گے۔

Just met with @Schwarzenegger who’s promised to come to #Pakistan to highlight our extreme climate vulnerability #COP24 pic.twitter.com/kzpTjQXkEw

— Malik Amin Aslam (@aminattock) December 3, 2018

آرنلڈ شوارزنیگر پہلے بنیادی طور پر باڈی بلڈر کے طور پر مشہور ہوئے تاہم ہالی ووڈ میں اپنے غیرمعمولی کام کی وجہ سے عالمی شہرت حاصل کی جب کہ ٹرمنیٹر فلموں سے انہیں بہت مقبولیت ملی اس کے علاوہ پریڈیٹر، ٹرولائز، کونان دی باربیریئن بھی ان کی مشہور فلموں میں شامل ہیں۔

شوارزنیگر 2003 سے 2011 کے درمیان کیلی فورنیا کے گورنر بھی رہے اور اب وہ آب وہوا میں تبدیلی کے خلاف ایک مؤثر آواز بھی بن چکے ہیں۔