ایران کا یوکرینی طیارے کو میزائل لگنے کی ویڈیو بنانے والے کی گرفتاری کا دعویٰ

گرفتار شخص پر طیارے گرنے کی ویڈیو بنا کر سوشل میڈیا پر شیئر کرنے کا الزام ہے، فوٹو : فائل

---

ایرانی حکومت نے مسافر بردار یوکرینی طیارے کے میزائل حملے میں تباہ ہونے کی ویڈیو بنانے اور سوشل میڈیا پر وائرل کرنے والے شخص کو حراست میں لینے کا دعویٰ کیا ہے۔

ایرانی میڈیا کے مطابق پاسداران انقلاب نے چھاپہ مار کارروائی میں ایک ایسے شخص کو گرفتار کرنے کا دعویٰ کیا ہے جس نے یوکرینی طیارے کے ایرانی میزائل سے تباہ ہونے کی ویڈیو فلم بند کی تھی اور اسے امریکا میں مقیم ایرانی صحافی کو سوشل میڈیا پر وائرل کرنے کے لیے دی تھی۔

ایرانی میڈیا میں یہ بات بھی کہی جا رہی ہے کہ اگر اس شخص کو عدالت میں پیش کیا جاتا ہے تو وہاں اس پر نیشنل سیکیورٹی کو نقصان پہنچانے کے تحت مقدمہ چلایا جائے گا جس کی کڑی سے کڑی سزا بھی ہوسکتی ہے۔

I'm getting lots of calls.

They have arrested the WRONG person regarding the #Flight752 In Iran. The person who is a source of the video is SAFE and I can assure you IRGC is orchestrating another lie. They killed 176 passengers on commercial plane. Thats the real story here. https://t.co/X2k0ycwMBD

— Nariman Gharib (@NarimanGharib) January 14, 2020

دوسری جانب سوشل میڈیا پر امریکا میں مقیم ایرانی صحافی نریمان غریب نے لکھا کہ مجھے کئی لوگوں نے ٹیلی فونز کرکے میری گرفتاری کی خبروں پر تشویش کا اظہار کیا ہے، ایرانی پاسداران انقلاب نے جس شخص کو گرفتار کیا ہے وہ بے گناہ ہے کیوں کہ مجھے ویڈیو بھیجنے والا شخص ایران میں محفوظ ہے۔

صحافی نے ٹویٹر پر یہ بھی دعویٰ کیا کہ انہوں نے کینیڈا کے وزیراعظم جسٹن ٹروڈو سے بھی ایران میں بے گناہ شخص کی گرفتاری پر ایران سے بات کرنے کو کہا ہے۔