ملک بھر میں کورونا کیسز کی تعداد 1 لاکھ 74 ہزار ہوگئی 3438 جاں بحق

24 گھنٹوں کے دوران کورونا وائرس کے مزید 6604 کیسز سامنے آگئے

---

NEW YORK: ملک بھر میں کورونا وائرس کے کیسز میں تیزی سے اضافہ ہورہا ہے اور مریضوں کی مجموعی تعداد 1 لاکھ 74 ہزار 711 ہوگئی جب کہ مزید 150 سے زائد مریض دم توڑنے سے ہلاکتوں کی تعداد 3 ہزار 438 ہوگئی۔

نیشنل کمانڈ اینڈ آپریشن سینٹر کے مطابق 24 گھنٹوں کے دوران کورونا وائرس کے مزید 6604 کیسز سامنے آگئے۔ سندھ میں کورونا کیسز کی تعداد سب سے زیادہ ہوگئی جہاں 67 ہزار 353، پنجاب میں 64 ہزار 216، خیبر پختونخوا میں 21 ہزار 444، بلوچستان میں 9 ہزار 328، اسلام آباد میں 10 ہزار 279، گلگت میں 1278، آزاد جموں اینڈ کشمیر میں 813 کورونا کیسز رپورٹ ہوئے۔

این سی او سی کے مطابق ملک میں کورونا وائرس مریضوں کے لیے مزید 103 وینٹی لیٹرز فراہم کیے گئے ہیں جس کے بعد کل تعداد 1503 ہوگئی جب کہ جولائی کے آخر تک ملک میں مزید 1500 وینٹی لیٹرفراہم کردیئے جائیں گے۔

گزشتہ 24 گھنٹوں کے دوران 31 ہزار 681 کورونا کے ٹیسٹ کیے گئے اور اب تک مجموعی طور پر 10 لاکھ 42 ہزار 787 ٹیسٹ کیے جاچکے ہیں، جبکہ 65 ہزار 331 مریض صحت یاب ہوچکے ہیں۔

کورونا وائرس اور احتیاطی تدابیر:

کورونا وائرس کے خلاف یہ احتیاطی تدابیر اختیار کرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازہ کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکر بیٹھنے کے بجائے پنکھے کی ہوا میں بیٹھیں۔

سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پر کوئی اثر نہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔

پانی گرم کرکے تھرماس میں رکھ لیں اور ہر ایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔