مقبوضہ کشمیر کے انسانی المیے کے خاتمے کا وقت آگیا آرمی چیف

تنازعہ کشمیر کو اقوام متحدہ کی قراردادوں اورکشمیریوں کی امنگوں کی مطابق حل ہونا چاہئے، جنرل قمر جاوید باجوہ

---

آرمی چیف جنرل قمر جاوید باجوہ نے کہا ہے کہ مقبوضہ کشمیرکے عوام قابض بھارتی فورسزکے بدترین لاک ڈاوٴن میں ریاستی جبر اور ظلم برداشت کررہے ہیں ، اس انسانی المیے کوختم کرنے کاوقت ہے، تنازعہ کشمیر کو کشمیریوں کی امنگوں اور یواین قراردادوں کے مطابق حل ہونا چاہئے۔

ڈی جی آئی ایس پی آر میجر جنرل بابر افتخار نے یوم یکجہتی کشمیر کے موقع پر آرمی چیف جنرل قمر جاوید باجوہ کا بیان ٹویٹ کیا ہے. آرمی چیف جنرل قمر جاوید نے کہا ہے کہ وہ کشمیریوں کو ان کی حقیقی جدوجہد پر سلام پیش کرتے ہیں ، مقبوضہ جموں و کشمیر کے کشمیری عوام بھارت کا بدترین ریاستی ظلم وستم اور انسانی حقوق کی خلاف ورزیاں برداشت کررہے ہیں۔

آرمی چیف کا کہنا تھا کہ مقبوضہ کشمیرکے عوام قابض بھارتی فورسزکے بدترین لاک ڈاوٴن کا سامناکررہے ہیں۔ آرمی چیف جنرل قمر جاوید باجوہ نے مزید کہا کہ اس انسانی المیے کوختم کرنیکا یہی وقت ہے، تنازعہ کشمیر کو یواین قراردادوں اورکشمیریوں کی امنگوں کی مطابق حل ہونا چاہئے۔

“Salute 2 Kashmiris for their valiant struggle, braving gravest atrocities, human rights violations & lockdown in IIOJ&K under Indian occupation forces. Time 2 end this human tragedy & resolve #Kashmir issue as per aspirations of people of J&K & #UN resolutions”COAS.

— DG ISPR (@OfficialDGISPR) February 5, 2021