سعودی عرب نے ابھا ایئرپورٹ پر حوثی باغیوں کا حملہ ناکام بنا دیا

ڈرون کو فضا میں ہی ناکام بنادیا گیا، فوٹو : فائل

---

سعودی عرب کے فضائی دفاعی نظام نے ابھا ایئرپورٹ پر حوثی باغیوں کے حملے کو ناکام بنادیا۔

عالمی خبر رساں ادارے کے مطابق یمن کے حوثی باغیوں نے ایک بار پھر سعودی عرب کے ابھا ایئرپورٹ پر بارود سے بھرے ڈرون کے ذریعے حملہ کرنے کی کوشش کی تاہم سعودی فضائیہ کے ڈیفنس سسٹم نے فوری ردعمل دیتے ہوئے ڈرون کو فضا میں ہی ناکارہ بنادیا۔

یہ بھی پڑھیں : سعودی ایئرپورٹ پر حوثی باغیوں کا ایک اور حملہ، ایک شخص جاں بحق

اس حوالے سے سعودی عرب کے سرکاری ٹيلی وژن میں نشر ہونے والی رپورٹ میں کہا گیا ہے کہ ايک ڈرون جنوب مغربی شہر ابھا کے ہوائی اڈے کی جانب آ رہا تھا جسے فضا ميں ہی تباہ کر ديا گيا۔

یہ خبر پڑھیں : سعودی ایئرپورٹ پر حوثی باغیوں کا حملہ، طیارے کو آگ لگا دی

یمن میں حوثی باغیوں سے برسرپیکار سعودی عرب کی سربراہی میں قائم عسکری اتحاد کے ترجمان کرنل ترکی المالکی نے میڈیا کو بتایا کہ ابھا ایئرپورٹ کی حفاظت کے لیے کیئے گئے خصوصی انتظامات کی وجہ سے اس حملے کو فوری ردعمل دیتے ہوئے ناکام بنادیا گیا۔

یہ خبر بھی پڑھیں : یمن ایئرپورٹ پر وزیراعظم کے طیارے پر حملہ، 22 افراد جاں بحق

واضح رہے کہ 10 فروری کو بھی حوثی باغیوں کے ايک حملے ميں ابھا کے ہوائی اڈے پر ايک سويلين ہوائی جہاز کو آگ لگ گئی تھی جب کہ گزشتہ برس نومبر میں بھی دو حملے کیے گئے تھے۔