- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
- پٹرولیم ایکسپلوریشن اینڈ پروڈکشن کمپنیوں نے سبسڈی مانگ لی
- پاکستان کی سعودی سرمایہ کاروں کو 14 سے 50 فیصد تک منافع کی یقین دہانی
- مشرق وسطیٰ کی بگڑتی صورتحال، عالمی منڈی میں خام تیل 3 ڈالر بیرل تک مہنگا
- انٹرنیشنل کرکٹ میں واپسی پر محمد عامر کے ڈیبیو جیسے احساسات
- کُتا دُم کیوں ہلاتا ہے؟ سائنسدانوں کے نزدیک اب بھی ایک معمہ
- بھیڑوں میں آپس کی لڑائی روکنے کیلئے انوکھا طریقہ متعارف
- خواتین کو پیش آنے والے ماہواری کے عمومی مسائل، وجوہات اور علاج
- وزیر خزانہ کی چینی ہم منصب سے ملاقات، سی پیک کے دوسرے مرحلے میں تیزی لانے پر اتفاق
- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
ڈاؤن سنڈروم میں مبتلا بچی نے قرآن حفظ کرکے دنیا کو حیران کردیا
عمان: اردن میں پیدائشی طور پر جنیاتی بیماری ڈاؤن سنڈروم میں مبتلا بچی نے اپنی ماں کی مدد سے 7 سال کی شبانہ روز لگن کے ساتھ قرآن حفظ کر لیا۔
عالمی خبر رساں ادارے کے مطابق اردن سے تعلق رکھنے والی بیوہ خاتون عواطف جابر نے ایک ایسا کارنامہ انجام دے دیا جسے بلاشبہ معجزہ کہا جا سکتا ہے۔ 4 بیٹیوں اور ایک بیٹے کی بیوہ ماں نے ڈاؤں سنڈروم کی شکار اپنی بیٹی کو قرآن حفظ کرا کے اس بیماری میں مبتلا پہلی حافظ قرآن بنا دیا۔
ترک میڈیا کو دیئے گئے انٹرویو میں ُپرعزم ماں نے بتایا کہ جب روان دویک پیدا ہوئی اور مجھے پتہ چلا کہ میری بچی ایک جنیاتی بیماری کا شکار ہے جس کےباعث اس کی ذہنی اور جسمانی صلاحیتیں عام بچوں سے کم ہوں گی اور ذہنی بالیدگی کی رفتار نہایت سست رہے گی۔
عواطف جابر کا کہنا تھا کہ اسی لمحے میں نے اپنے رب سے وعدہ کرلیا تھا کہ اس بچی کو کلام اللہ حفظ کراؤں گی۔ شروع میں تو میں نے چھوٹی سورتیں یاد کرائیں اور اس دوران مجھے اندازہ ہوگیا کہ بچی کا حافظہ بہت اچھا ہے اور یہی سے منزل کی جانب سفر شروع ہوگیا۔
وہ کہتی ہیں کہ روان دویک جب 6 سال کی ہوئی تو اسکول میں داخلہ کروایا اور صرف ایک سال میں ہی اس کا تلفظ بہترین ہوگیا لیکن پھر اس نے اسکول جانے کے بجائے گھر میں ہی تعلیم جاری رکھنے میں دلچسپی ظاہر کی تو میں نے بھی منع کرنا مناسب نہیں سمجھا۔
عواطف جابر کا مزید کہنا تھا کہ اسکول سے رخصت کو غنیمت جانتے ہوئے میں روان کو اپنے ساتھ قرآن سینٹر لے جانے لگی، جہاں میں بھی سورتیں یاد کرتی تھی۔ جب میں نے سورۃ البقرہ کے 4 صفحات یاد کیے اس وقت روان کی استاد نے بتایا کہ آپ کی بیٹی تو اس سورہ کا پہلا حصہ حفظ کرچکی ہے۔
روان کی والدہ نے کہتی ہیں کہ اگلے سات برس تک میری بیٹی نے باقاعدگی سے حفظِ قرآن جاری رکھا اور گزشتہ رمضان کے 29 ویں روزے کو قرآن کا حفظ مکمل کرلیا۔
واضح رہے کہ ڈاؤن سنڈروم میں مبتلا بچے بڑھتی عمر کے ساتھ ذہنی بالیدگی حاصل نہیں کرپاتے یہی وجہ ہے کہ جوانی یا بڑھاپے تک بھی پہنچنے کے باجود ان کی سوچ اور حرکات بچوں جیسی ہی رہتی ہیں اور انہیں اپنا نام، پتہ اور موبائل نمبر یاد رکھنے میں بھی دشواری ہوتی ہے۔ ایسی صورت حال میں روان دویک کا قرآن حفظ کرلینا کسی معجزے سے کم نہیں ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔