آپ کے ماننے یا نہ ماننے سے کیا ہوتا ہے شہباز گل کا مریم نواز کو جواب 

آپ تو کسی پراپرٹی کی ملکیت بھی نہیں مانتی تھیں، شہباز گل کا جواب

---

وزیراعظم کے معاون خصوصی شہباز گل نے مریم صفدر کے بیان پر ردعمل دیتے ہوئے کہا کہ آپ کے ماننے یا نہ ماننے سے کیا ہوتا ہے۔

وزیراعظم عمران خان کے معاونِ خصوصی برائے سیاسی روابط ڈاکٹر شہباز گل نے مریم نواز کی جانب سے آزاد کشمیر انتخابات سے متعلق ٹوئٹ پر ردعمل دیتے ہوئے کہا کہ آپ کے ماننے یا نہ ماننے سے کیا ہوتا ہے، آپ تو کسی پراپرٹی کی ملکیت بھی نہیں مانتی تھیں۔ پھر ماننا پڑا۔ اب یہ بھی ماننا پڑے گا بیگم صفدر صاحبہ۔

آپ کے ماننے یا نہ ماننے سے کیا ہوتا ہے۔ آپ تو کسی پراپرٹی کی ملکیت بھی نہیں مانتی تھیں۔ پھر ماننا پڑا۔ اب یہ بھی ماننا پڑے گا بیگم صفدر صاحبہ۔ pic.twitter.com/z6F24ZtMrk

— Dr. Shahbaz GiLL (@SHABAZGIL) July 25, 2021

دوسری جانب وزیرمملکت برائےاطلاعات فرخ حبیب نے اپنی ٹوئٹ میں کہا کہ مریم صفدر مودی کے یاروں کی شکست واضح ہوگئی آپ نے کھسیانی بلی بن کر کھمبا نوچنا شروع کردیا ہے، کشمیر کی عوام نے آر ایس ایس کی انتہا پسندانہ سوچ کیخلاف بات نہ کرنے والی (ن) لیگ کو فل سٹاپ لگادیا ہے، کشمیر کی عوام نے اپنے سچے سفیر اور دلیر وکیل کے حق میں فیصلہ سنا دیا ہے۔

مریم صفدر مودی کے یاروں کی شکست واضح ہوگئی آپ نےکھسیانی بلی بن کر کھمبا نوچنا شروع کردیاہے۔
کشمیر کی عوام نے RSS کی انتہا پسندانہ سوچ کیخلاف بات نہ کرنے والی ن لیگ کو فل سٹاپ لگادیا ہے۔
کشمیر کی عوام نے اپنے سچے سفیر اور دلیر وکیل کے حق میں فیصلہ سنا دیا ہے

#کشمیرکپتان_کےنام https://t.co/yMnwGtY4Ez

— Farrukh Habib (@FarrukhHabibISF) July 25, 2021

واضح رہے آزاد کشمیر انتخابات میں پی ٹی آئی کی سادی اکثریت کے بعد مریم نواز نے ٹوئٹ کرتے ہوئے کہا کہ میں نے یہ نتائج نہ تسلیم کیے ہیں اور نہ ہی کروں گی۔