50 فیصد تماشائیوں کو پنڈی اسٹیڈیم میں داخلے کی اجازت

فیصلہ این سی او سی کی منظوری کے بعد کیا گیا ہے، پی سی بی - فوٹو:فائل

---

پاکستان کرکٹ بورڈ نے اعلان کیا ہے کہ نیشنل ٹی ٹوئنٹی کپ کے پنڈی کرکٹ اسٹیڈیم راولپنڈی میں کھیلے جانے والے میچز کے لیے 50 فیصد تماشائیوں کو داخلے کی اجازت ہوگی۔

پی سی بی کے مطابق یہ فیصلہ این سی او سی کی منظوری کے بعد کیا گیا ہے۔ فی الحال اس فیصلے کا اطلاق پنڈی لیگ کے آخری تین دنوں یعنی یکم سے تین اکتوبر تک کھیلے جانے والے میچز پر ہوگا۔

پی سی بی نے تماشائیوں سے درخواست کی ہے کہ وہ کووڈ 19 سے متعلق پی سی بی اور حکومت کی ہدایات پر مکمل عمل کریں۔ تمام تماشائیوں کے لیے ویکسی نیشن سرٹیفیکٹ ہمراہ لانا لازم ہوگا۔