ہاتھوں کی بجائے ناک سے ٹائپ کرنیوالا بھارتی باشندہ

نومبر2008 میں بھارتی کی ہی نیتا نامی شہری ناک کی مدد سےاس فقرے کو ایک منٹ 33سیکنڈ میں ٹائپ کرنے کا ریکارڈ قائم کیا تھا

---

ٹائپسٹ کسی چیز کو لکھنے کے لیے اپنے ہاتھوں کا استعمال کرتے ہیں مگر اگر کوئی اپنے ہاتھوں کی بجائے ناک سے ٹائپ کرے تو اسے کیا کہا جاسکتاہے ۔

بھارتی میڈیا کے مطابق حیدرآباد کے رہائشی خورشید حسین نے ہاتھوں کی بجائے اپنے ناک کی مدد سے تیز رفتاری سے ٹائپ کرنے کا عالمی ریکارڈ بناڈالا ہے بتایا گیا ہے کہ 23 سالہ خورشید حسین نے گینز بک آف ورلڈ ریکارڈ کے زیر اہتمام ایک مظاہرے کے دوران (Guinness World Records have challenged me to type this sentence using my nose in the fastest time) فقرہ صرف 47.44 سیکنڈ میں اپنے ناک کی مدد سے کمپیوٹر کی بورڈ سے ٹائپ کیا۔

خورشید حسن کا کہنا ہے کہ وہ اس سے کچھ ہی دیر قبل اس فقرے کو 54سیکنڈ میں ٹائپ کرنے کا ریکارڈ بنا چکے تھے اور دوسری کوشش میں انھوں نے اپنے پہلے سے قائم کردہ ریکارڈ کو بھی توڑ ڈالا ۔گینز بک کے مطابق نومبر2008 میں بھارتی کی ہی نیتا نامی شہری ناک کی مدد سے اس فقرے کو ایک منٹ 33سیکنڈ میں ٹائپ کرنے کا ریکارڈ قائم کیا تھا۔