معروف اداکارہ اور بی جے پی رہنما سونالی دل کا دورہ پڑنے سے چل بسیں

سونالی نے بگ باس سیزن 14 میں وائلڈ کارڈ کے طور پر انٹری لی تھی

ویب ڈیسک August 23, 2022

اداکارہ کی لاش پوسٹ مارٹم کے لیے بھجوادی گئی ہے(فائل فوٹو)

معروف بھارتی ٹیلی ویژن اداکارہ اور سیاسی پارٹی بی جے پی کی رہنما سونالی فوگاٹ دل کا دورہ پڑنے سے انتقال کرگئیں۔

بھارتی میڈیا رپورٹس کے مطابق سونالی بھارتی شہر گوا میں موجود تھیں جہاں انہیں پیر کی رات دل کا دورہ پڑا۔

اداکارہ کے اسٹاف نے بتایا کہ سونالی کافی دیر سے بے چینی محسوس کررہی تھیں جس کے بعد انہیں اسپتال لے جایا گیا جہاں وہ دم توڑ گئیں۔

42 سالہ اداکارہ کی لاش پوسٹ مارٹم کے لیے بھجوادی گئی ہے جس کے بعد موت کی وجہ سامنے آسکے گی تاہم ڈاکٹرز کا کہنا ہے کہ اداکارہ کی موت دل کا دورہ پڑنے سے ہوئی ہے۔

یاد رہے کی سونالی نے بگ باس سیزن 14 میں وائلڈ کارڈ کے طور پر انٹری لی تھی شائقین کی جانب سے ان کے بے باک انداز کو خوب پسند کیا گیا تھا۔