پاکستان کیلیے اعزاز آئی جی پنجاب یو این سیکریٹری جنرل کے پولیس ایڈوائزر منتخب

فیصل شاہکار یہ اعزاز پانے والے پہلے پاکستانی ہیں،قبل ازیں ہمیشہ مغربی ممالک کے افسران اس پوزیشن پر تعینات ہوتے رہے ہیں (فوٹو : فائل)

---

پاکستان کو ایک بڑا اعزازمل گیا، آئی جی پنجاب فیصل شاہکار کو اقوام متحدہ کے سیکریٹری جنرل کے پولیس ایڈوائزر برائے پیس آپریشنز منتخب کرلیا گیا۔

اقوام متحدہ کے سیکریٹری جنرل نے فیصل شاہکار کی تعیناتی کا اعلان کردیا۔ یہ اعلان اقوام متحدہ کی آفیشل ویب سائٹ اور سوشل میڈیا اکاؤنٹس پر بھی کیا گیا۔

The #UN Police Division welcomes the selection of 7th UN Police Adviser, IGP Faisal Shahkar of Pakistan, who will assume his duties soon. Mr. Shahkar’s 30+ years of national & UN policing experience will help ensure @UNPOL continues to meet the challenges of today & tomorrow. pic.twitter.com/Bj0vDXpXe8

— United Nations Police (@UNPOL) October 31, 2022

فیصل شاہکار اس پوزیشن پر منتخب ہونے والے پہلے پاکستانی ہیں، اس سے قبل اس پوزیشن پر یورپین اور مغربی ممالک سے تعلق رکھنے والے افراد تعینات ہوتے رہے ہیں۔

فیصل شاہکار کی تعیناتی پاکستان کے لیے بڑے اعزاز کی بات ہے۔ فیصل شاہکار اس سے قبل بھی اقوام متحدہ کے مختلف پروگراموں میں اہم عہدوں پر فرائض سر انجام دے چکے ہیں

ڈیپارٹمنٹ آف پیس آپریشنز میں ایک پاکستانی سینئر پولیس آفیسر کا ایڈوائزر منتخب ہونا اقوام عالم میں ہماری پیشہ وارانہ صلاحیتوں کا اعتراف ہے

Another honor for Pakistan in UN Peacekeeping - IG Faisal Shahkar appointed UN Police Adviser. Great distinction-manifestation of 🇵🇰role in maintenance of international peace and security https://t.co/CUlugZPqbh

— Bilawal Bhutto Zardari (@BBhuttoZardari) November 1, 2022

وزیر خارجہ بلاول بھٹو زرداری نے فیصل شاہکار کو اس اعزاز پر مبارک باد پیش کی ہے۔