- کراچی میں ایک ہی گھر سے لاپتہ پانچ لڑکیاں بازیاب
- بیوی نے بہنوں اور بہنوئی سے مل کر شوہر کو آگ لگا دی
- جعلی ڈگری کیس میں سابق ایم پی اے ثمینہ خاور حیات کی نااہلی ختم
- شوکت یوسف زئی نے اسفند یار کو 15 کروڑ ہرجانہ دینے کا فیصلہ چیلنج کردیا
- دلہن کی خودکشی پر سسر اور ساس کو زندہ جلا دیا گیا؛ شوہرسمیت 3 زخمی
- آئی ایم ایف کے ساتھ مذاکرات میں کوئی ڈیڈلاک یا رکاوٹ نہیں، وزارت خزانہ حکام
- نواز شریف کی سعودی عرب اور پھر لندن روانگی کا امکان
- پی ایس ایل9؛ ٹاپ 5 فلاپ کرکٹرز کون سے رہے؟
- ایران کے ساتھ خیر سگالی، جشن نوروز پر بادشاہی مسجد میں چراغاں کا فیصلہ
- صدر، وزیراعظم نیب گریجویٹ ہیں، اب نیب کو ختم ہونا چاہیے، شاہد خاقان
- عالمی اور مقامی مارکیٹ میں سونے کی قیمت میں اضافہ
- عمران خان لانگ مارچ اور توڑپھوڑ کے 2 کیسز میں بری
- پارک لین ریفرنس سماعت؛ آصف زرداری کو اب صدارتی استثنیٰ حاصل ہے، وکلا
- انسداد انتہا پسندی؛ پولیس نے 462 سوشل میڈیا اکاؤنٹس بند کروا دیے
- خواتین کے حقوق کا بہانہ؛ آسٹریلیا کا افغانستان سے سیریز کھیلنے سے انکار
- کراچی؛ ایل پی جی کی دکان پر افطار کے وقت ڈکیتی، فوٹیج سامنے آ گئی
- پی ٹی آئی کا اسلام آباد میں جلسے کیلیے ہائیکورٹ سے رجوع
- پاک فوج میں بھرتی کیپٹن سمیت افغان شہریوں کو برطرف کیا گیا، وزیر دفاع
- الشفا اسپتال پر اسرائیلی حملے میں غزہ کے پولیس چیف شہید
- حماس سے لڑائی میں ایک اور اسرائیلی فوجی ہلاک؛ مجموعی تعداد 250 ہوگئی
مینار پاکستان جلسے سے قبل لاہور میں پی ٹی آئی کارکنوں کی پکڑ دھکڑ
لاہور پولیس نے 26 مارچ کو مینار پاکستان پر پی ٹی آئی جلسہ سے قبل ہی کارکنوں کی پکڑ دھکڑ شروع کردی جبکہ رہنما پی ٹی آئی رہنما فواد چوہدری نے کہا کہ آئی جی پنجاب کی دھمکی آمیز گفتگو کے بعد کارکنوں کی گرفتاری کا عمل شروع ہے۔
پولیس نے پی ٹی آئی سوشل میڈیا کے فوکل پرسن اظہر مشوانی اور داتا گنج بخش ٹاؤن سے جلسے کے منتظم ملک قیصر کو حراست میں لے لیا ہے۔
مزیدپڑھیں: پی ٹی آئی کو مینار پاکستان پرجلسے کی اجازت مل گئی
پی ٹی آئی کے مطابق ملک قیصر داتا گنج بخش کی یونین کونسل 62 کے صدر ہیں۔ علاوہ ازیں پی ٹی آئی لاہور کی جانب سے میاں ندیم کو حراست میں لیے جانے کی شدید مذمت کی گئی۔
پولیس نے تحریک انصاف کے رہنما حماد خان نیازی اور بجاش خان نیازی کی رہائش گاہ پر چھاپا مارا تاہم گھر پر موجود نہ ہونے کی وجہ سے دونوں گرفتاری سے محفوظ رہے۔
اتحاد کالونی میں تحریک انصاف کے مقامی رہنما میاں نعیم کے گھر بھی رات گئے پولیس نے چھاپا مارا۔ میاں نعیم گھر پر موجود نہیں تھے لیکن ان کے الفت نامی مہمان کو پولیس نے گرفتار کر لیا۔
سمن آباد میں ہی پی ٹی آئی کے یوسی 91 کے وائس چیرمین سجاد درانی اور کونسلر بشارت علی کے گھر بھی چھاپہ مارا گیا۔ دونوں رہنما گھر میں نہ تھے۔
پولیس نے تحریک انصاف کے رہنما ملک وقار احمد گجر کی رہائش گاہ پر بھی چھاپہ مارا تاہم وہ بھی ہاتھ نہ آئے۔
مناواں کے علاقے میں حماد اعوان کے گھر چھاپہ مارا گیا۔ پولیس ان کے بھائی کو گرفتار کر کے لے گئی۔ تحریک انصاف کے ممبر کشمیر قانون ساز اسمبلی غلام محی الدین دیوان کے گھر پر بھی چھاپہ مارا گیا۔ پولیس ان کے ملازمین کو ساتھ لے گئی ۔
شاہدرہ میں پی پی 145 سے پی ٹی آئی کے امیدوار صوبائی ملک مبشر لال کی رہائش گاہ پر پولیس نے چھاپہ مارا ۔ گھر پر موجود نہ ہونے کی وجہ سے پولیس ملک مبشر لال کو گرفتار کرنے میں ناکام رہی۔
مرکزی سینئر نائب صدر تحریک انصاف فواد چوہدری نے کہا ہے کہ اظہر مشوانی اور شاہد حسین سمیت 750 کے لگ بھگ کارکن اغواء اور گرفتار کئے گئے ہیں۔
آئی جی پنجاب کی دھمکی آمیز گفتگو کے بعد اظہر مشوانی کو اغوا کر کیا گیا، فواد چوہدری
مرکزی سینئر نائب صدر فواد چوہدری نے سماجی روابط کی ویب سائٹ ٹوئٹر پر کہا کہ آئی جی پنجاب کی دھمکی آمیز گفتگو کے بعد اظہر مشوانی کو اغوا کر کیا گیا ہے، اظہر کو فوراً عدالت میں پیش کیا جائے اور الزامات کی تفصیل بتائی جائے۔
انہوں نے آئی جی پنجاب کو مخاطب کرکے کہا کہ ’اگر (آپ) سمجھتے ہیں ظل شاہ کو قتل کرنے اور تشدد کرنے کے بعد ان پر تنقید بھی نہیں ہو گی تو وہ احمقوں کی جنت میں رہتے ہیں۔
فواد چوہدری نے ایک اور ٹوئٹ میں کہا کہ اب تک 750 کے لگ بھگ (پی ٹی آئی کے) لوگوں کو گرفتار کیا جا چکا ہے، سوچا تھا رمضان سلامتی کا مہینہ ہے شیطان بند ہوں گے لیکن ان شیطانوں کو یہ بھی احساس نہیں کہ غریب لوگوں کو اٹھا کر جیلوں میں ڈالا ہے ان کا گھر اور خاندان جس اذیت میں ہوں گے خصوصاً جب واحد کمانے والا جیل ہو گا؟
اظہر مشوانی کو نامعلوم افراد نے لاہور سے اغوا کیا، فرخ حبیب
اس ضمن میں رہنما پی ٹی آئی فرخ حبیب نے اظہر مشوانی کی حراست سے متعلق بتایا کہ انہیں ان کے گھر کے باہر سے گرفتار کیا گیا، اظہر مشوانی کو نامعلوم افراد نے لاہور سے ’اغوا‘ کیا۔
انہوں نے حکومت پر کڑی تنقید کرتے ہوئے کہا کہ ایسے ہتھکنڈوں سے حقیقی آزادی کی جدوجہد کو ختم نہیں کرسکتے، ان نوجوانوں کو گرفتار کرکے ان کی آزاد سوچ کو غلام نہیں بنا سکتے۔
عدلیہ اور اداروں کی خلاف تقاریر کی اجازت نہیں ہوگی، نوٹی فکیشن
واضح رہے کہ پاکستان تحریک انصاف کو26 مارچ کو مینار پاکستان پر جلسہ کرنے کی اجازت ملی تھی۔
22 مارچ کو ضلعی انتظامیہ کی جانب سے پی ٹی آئی سے حلف لینے کے بعد جلسے کی اجازت دی گئی تھی، ڈپٹی کمشنر لاہور رافعہ حیدر کی جانب سے اجازت کا باقاعدہ نوٹی فکیشن جاری کیا گیا۔
جس کے مطابق جلسہ انتظامیہ اسٹیج، خواتین اور تمام انکلوژز کی سکیورٹی کی ذمہ دار ہوگی اور تمام متعلقہ علاقے میں بلا تعطل بجلی فراہمی یقینی بنائے گی، عدلیہ اور اداروں کی خلاف تقاریر کی اجازت نہیں ہوگی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔