طیبہ گل ہتک عزت کیس؛ سابق ڈی جی نیب عدالت میں پیش

ویب ڈیسک  بدھ 29 مارچ 2023
(فوٹو فائل)

(فوٹو فائل)

 اسلام آباد: طیبہ گل ہتک عزت کیس میں سابق ڈی جی نیب عدالت میں پیش ہو گئے۔

ڈسٹرکٹ اینڈ سیشن کورٹ اسلام آباد میں طیبہ گل کی جانب سے سابق ڈی جی نیب شہزاد سلیم کے خلاف ہتک عزت کیس کی سماعت ہوئی، جس میں ایڈیشنل سیشن جج فیضان حیدرگیلانی کے روبرو سابق ڈی جی نیب شہزاد سلیم پیش ہو گئے۔

عدالت نے پیش ہونے پر سابق ڈی جی نیب شہزاد سلیم کے قابلِ ضمانت وارنٹ گرفتاری معطل  کرتے ہوئے انہیں 20 ہزار روپے مچلکے جمع کروانے کا حکم دےدیا۔

دوران سماعت سابق ڈی جی نیب شہزاد سلیم کی جانب سے بریت کی درخواست دائر کردی گئی، جس پر عدالت نے فریقین کو نوٹس جاری کرتے ہوئے آئندہ سماعت 8 اپریل تک ملتوی کردی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔