چینی کروڑپتی شخص 27ویں مرتبہ یونیورسٹی کا امتحان دینے کےلیے تیار

چینی کروڑ پتی لیانگ شائی اب 27 ویں مرتبہ مشکل ترین امتحان دیں گے جس کے تحت انہیں ملک کی مشہور جامعات میں داخلہ مل سکتا ہے۔ فوٹو: ساؤتھ چائنا مارننگ پوسٹ

---

اپنی محنت سے کروڑ پتی بننے والے چینی کروڑ پتی شخص نے اب 27 ویں مرتبہ یونیورسٹی کا مشہور امتحان دینے کا فیصلہ کیا ہے۔

اس سے قبل 56 سالہ ِلیانگ شائی چین کے مشہور اور مشکل ترین 'گاؤکاؤ' امتحان میں 26 مرتبہ ناکام ہوچکے ہیں۔ اس امتحان کے بعد اعلیٰ چینی جامعات اور کالجوں میں داخلے کی راہ ہموار ہوجاتی ہے۔ لیکن سفید بالوں کے ساتھ پرعزم لِنگ نے اب بھی ہمت نہیں ہاری ہے اور انہیں اپنی کامیابی کا یقین بھی ہے۔

اگرچہ لیانگ شائی کے پاس دولت کا ڈھیر ہے لیکن وہ چین کی اعلیٰ ترین سچوان یونیورسٹی میں پڑھنے کے خواہاں ہیں کیونکہ یہ ان کا دیرینہ خواب بھی ہے۔ ہرسال لاکھوں افراد گاؤ کاؤ امتحان میں بیٹھتے ہیں اور اس بار ایک کروڑ 30 لاکھ نوجوان طلبا و طالبات اس امتحان میں شریک ہوں گے۔

لیانگ نے بتایا کہ کئی ماہ سے وہ روزانہ 12 گھنٹے تک درستی کتابیں پڑھ رہے ہیں کیونکہ انہیں احساس ہے کہ ان کے پاس اعلیٰ تعلیم کی ڈگری نہیں ہے۔ گزشتہ 40 برس میں انہوں نے 26 مرتبہ اپنے پسندیدہ کالج کے امتحانات دیئے اور فیل ہوتے رہے ہیں۔ واضح رہے کہ انہوں نے 1983 میں پہلا امتحان دیا تھا جب ان کی عمر صرف 16 برس تھی۔ پھر اگلے دس برس تک وہ امتحان دیتے رہے اور ناکام رہے۔

انہیں امید ہے کہ اس بار وہ ضرور کامیاب ہوجائیں گے۔