مینز انڈر 19 ایشیا کپ میں بھارت کے خلاف پاکستان ٹیم کی فتح کے بعد چیئرمین پاکستان کرکٹ بورڈ محسن نقوی کی پاکستانی کھلاڑیوں سے ملاقات کی اور میچ جیتنے پر مبارکباد پیش کی۔
چیئرمین پی سی بی محسن نقوی نے انڈر 19 ٹیم کے کھلاڑیوں کی شاندار کارکردگی کو سراہا اورکہا کہ شاہزیب خان نے بہترین بیٹنگ اور علی رضا نے عمدہ باولنگ کی ۔ آئندہ بھی اسی جذبے سے کھیلنا ہے۔آپ کی جیت پاکستان کی جیت ہے۔
محسن نقوی کا کہنا تھا کہ انڈر 19 ٹیم کے کھلاڑیوں کو کارکردگی پر آگے آنے کا موقع دیں گے۔ آپ پاکستان کا سرمایہ ہیں اور کرکٹ بورڈ پاکستان کے مستقبل پر سرمایہ کاری کرے گا۔
چیئرمین پی سی بی محسن نقوی نے ہیڈ کوچ وسیم، مینجر غلام علی کو بھی مبارک باد دی۔
اس موقع پر چیف آپریٹنگ آفیسر پی سی بی سمیر احمد۔ایڈوائزر عامر میر۔ سلمان نصیر بھی چیئرمین پی سی بی کے ہمراہ تھے۔