کراچی:
شہر قائد میں بلدیہ گلشن غازی کے قریب فائرنگ سےایک شخص جاں بحق ہوگیا۔
چھیپا حکام کے مطابق مقتول کی لاش سول اسپتال منتقل کی جا رہی ہے جبکہ واقعہ نامعلوم ملزمان کی فائرنگ سے پیش آنے کا بتایا جا رہا ہے۔
واقعے میں ایک شخص زخمی بھی ہوا ہے جس کی شناخت 35 سالہ نصیب شاہ ولد رضا حسین کے نام سے ہوئی ہے، جبکہ مقتول کی شناخت 30 سالہ حبیب رحیم ولد سالار کے نام سے ہوئی ہے، پولیس دیگر پہلوؤں پر تحقیقات کر رہی ہے ۔
