شاہ رخ خان پر وانکھیڈے اسٹیڈیم ممبئی کے دروازے بند ہی رہیں گے

شاہ رخ خان پر 2012 میں سیکیورٹی اہلکار سے الجھنے پر اسٹیڈیم میں داخلے پر پانچ برس کی پابندی عائد کی گئی تھی۔ فوٹو : فائل

---

رواں آئی پی ایل میں بھی کولکتہ نائٹ رائیڈرز کے مالک اور بالی ووڈ اسٹار شاہ رخ خان پر وانکھیڈے اسٹیڈیم ممبئی کے دروازے بند ہی رہیں گے، وہاں ان کی ٹیم 14 مئی کو ممبئی انڈینز کے مدمقابل آئے گی۔

شاہ رخ خان پر 2012 میں سیکیورٹی اہلکار سے الجھنے اور فیلڈ میں جانے کی ضد کرنے پر ممبئی کرکٹ ایسوسی ایشن نے اسٹیڈیم میں داخلے پر پانچ برس کی پابندی عائد کردی تھی۔ ایک آفیشل کا کہنا ہے کہ ابھی یہ پابندی باقی اور اس کا تیسرا سال ہے، اس لیے شاہ رخ خان اسٹیڈیم میں داخل نہیں ہوپائیں گے۔