وقار یونس کا ورلڈ ٹی 20 میں کسی ٹیم کو بھی فیورٹ قرار دینے سے انکار

پاکستان نے 2009میں ورلڈ ٹوئنٹی 20 ٹائٹل جیتا تو کوئی توقع نہیں کررہا تھا، وقار یونس۔ فوٹو: فائل

---

وقار یونس نے ورلڈ ٹوئنٹی 20 میں کسی ٹیم کو بھی فیورٹ قرار دینے سے انکار کردیا، کولکتہ میں پریس کانفرنس میں پاکستانی ہیڈ کوچ سے سوال کیا گیا کہ شاہد آفریدی کا یہ آخری ٹورنامنٹ ہے۔

خود ان کا مستقبل بھی ایونٹ میں پاکستانی ٹیم کی کارکردگی پر منحصر ہے تو کیا یہ ''مشن امپاسیبل'' ہے یا 'مشن پاسیبل''۔ وقاریونس نے جواب دیا کہ ہمارے لیے تو ٹائٹل کا ہدف ممکنات میں ہے، مختصر فارمیٹ میں کوئی بھی ٹیم فیورٹ نہیں ہوتی، پاکستان نے 2009میں ورلڈ ٹوئنٹی 20 ٹائٹل جیتا تو کوئی توقع نہیں کررہا تھا۔

ویسٹ انڈیز اور سری لنکا بھی فیورٹس نہ ہونے کے باجود ٹرافی پر قبضہ جمانے میں کامیاب رہے، ماضی میں بھی جو بھی ٹیم میگا ایونٹ جیتی، وہ فیورٹ نہیں تھی،آئندہ 3ہفتے میں اچھی کرکٹ کھیلنے والا ملک ہی میدان مارنے میں کامیاب ہوگا۔