خواجہ آصف نے عمران خان فاؤنڈیشن کی جانب سےجمع کیےگئےعطیات کے آڈٹ کا مطالبہ کردیا

اگرسیلاب متاثرین کیلیے مکانات تعمیرہوئے توبتائیں کہاں تعمیرکیے گئے، خواجہ آصف کا سوال:فوٹو:فائل

---

وزیر دفاع خواجہ آصف کا کہنا ہے کہ عمران خان نے 2010 میں سیلاب متاثرین کے لیے جمع کئے گئے 4 ارب کے عطیات کا فرانزک آڈٹ کا مطالبہ کردیا ۔

وزیردفاع خواجہ آصف نے سماجی رابطے کی ویب سائٹ ٹوئٹر پر کہا کہ عمران خان نے 2010 میں سیلاب متاثرین کے لیے اپنی فاؤنڈیشن کے نام سے پیسے جمع کیے تھے،عمران خان بتائیں کہ سیلاب متاثرین کے نام پرکتنا پیسا جمع ہوا اور کہاں خرچ ہوا، وہ اس معاملے کا فارنزک آڈٹ دیں کہ اگرسیلاب متاثرین کیلیے مکانات بنائے گئے تو کہاں تعمیرکیے گئے، اگر لوگوں کی فلاح وبہبود کے لیے پیسے خرچ کیے گئےتواچھی بات ہے لیکن وہ جاننا چاہتے ہیں کہ کہیں سیلاب متاثرین کی رقم آف شور کمپنیوں میں تو نہیں لگائی گئی۔

Rs 4 billion which IK collected for IKF for flood victims of 2010?fate of this charity money? Again invested offshore thru board member?

— Khawaja M. Asif (@KhawajaMAsif) April 16, 2016

دوسری جانب پاکستان تحریک انصاف کے ترجمان نعیم الحق نے خواجہ آصف کی جانب سے فرانزک آڈٹ پر جواب دیتے ہوئے کہا کہ خواجہ آصف کا مطالبہ معقول ہے جس کی تحقیقات ہونی چاہیے، بالکل اسی طرح شریف برادران کی اربوں کی جائیداد کا بھی حساب ہونا چاہیے۔ پی ٹی آئی ترجمان نے مزید کہا کہ عمران خان فاؤنڈیشن سے ان کا کوئی تعلق نہیں لیکن ان کے خیال میں اس معاملے کا آڈٹ ہوا ہے جس کی مزید معلومات عمران خان فاؤنڈیشن کے ڈائریکٹر ہی دے سکتے ہیں۔