رینجرز کی کارروائی سے متعلق سندھ حکومت کو اعتماد میں نہیں لیا گیامولا بخش چانڈیو

رینجرز کی کارروائی سے ایسا لگتا یے جیسے کوئی سیاسی انتقام کی کارررائی ہو،مشیراطلاعات سندھ فوٹو: فائل

---

PESHAWAR: مشیر اطلاعات سندھ مولابخش چانڈیو کا کہنا ہے کہ رینجرز نے کارروائی سے پہلے سندھ حکومت کو اعتماد میں نہیں لیا۔

کراچی میں میڈیا کے نمائندوں سے بات کرتے ہوئے مولا بخش چانڈیو کا کہنا تھا کہ رینجرز کی کارروائی سے ایسا لگتا یے جیسے کوئی سیاسی انتقام کی کارروائی ہو۔ انہوں نے کہا کہ دہشت گردوں کے خلاف ضرور کارروائی ہونی چاہئے لیکن یہ تاثر نہ جائے کہ سندھ حکومت اوررینجرزالگ الگ سوچتے ہیں۔

واضح رہے کہ رینجرز نے کراچی کے مختلف علاقوں میں آصف زرداری کے قریبی دوست انورمجید کے دفاتر پر چھاپے مارکر اہم ریکارڈ کی چھان بین کی جب کہ اس دوران اسلحہ بھی برآمد ہوا جو قبضے میں لے لیا گیا۔