آرمی چیف جنرل قمر جاوید باجوہ کا ایل اوسی پرنکیال سیکٹرکا دورہ

آرمی چیف شہید لیفٹیننٹ خاور کے گھر بھی گئے اور ان کے والدین سے ملاقات کی، فوٹو: آئی ایس پی آر

---

ISLAMABAD: آرمی چیف جنرل قمر جاوید باجوہ نے ایل او سی کے دورے کے دوران جنگ بندی کی بھارتی خلاف ورزیوں کا موثر جواب دینے پر پاک فوج کے جوانوں کو سراہا ہے۔

پاک فوج کے شعبہ ابلاغ عامہ ''انٹر سروسز پبلک ریلیشنز'' کی جانب سے جاری بیان کے مطابق آرمی چیف جنرل قمر جاوید باجوہ نے ایل او سی پر نکیال سیکٹر کا دورہ کیا۔ اس موقع پر مقامی کمانڈر نے سربراہ پاک فوج کو ایل او سی کی صورتحال پر بریفنگ دی۔ آرمی چیف نے جنگ بندی کی بھارتی خلاف ورزیوں کا موثر جواب دینے اور آپریشنل تیاریوں کو سراہا۔

COAS visited parents of Shaheed Lt Khawar who embraced shahadat during an op in Bannu.Hailed their supreme sacrifice for motherland.(2 of 2) pic.twitter.com/5fbs59fVtW

— DG ISPR (@OfficialDGISPR) May 13, 2017

اپنے دورے کے دوران جنرل قمر جاوید باجوہ مادر وطن کے لیے جام شہادت نوش کرنے والے لیفٹیننٹ خاور کے گھر گئے، جہاں انہوں نے شہید کے والدین سے ملاقات کی اور لیفٹیننٹ خاور کی عظیم قربانی کو خراج تحسین پیش کیا۔