’’ریس ٹو‘‘ میں بہری لڑکی کا کردار چیلنجنگ تھا امیشا پاٹیل

19اپریل کو امیشا پٹیل کی فلم ’’بھیا جی سپر ہٹ ‘‘ بھی سینما گھروں کی زینت بن رہی ہے۔ فوٹو: فائل

---

بھارتی اداکارہ امیشا پاٹیل نے کہا ہے کہ فلم ریس ٹو میں بہری لڑکی کا کردار نبھانا میرے لیے کافی چیلنجنگ تھا۔

نئی فلموں میں ہر طرح کا کردار نبھارہی ہوں ۔آیندہ برس ریلیز ہونے والی فلموں میں اہم کرداروں میں نظر آؤں گی۔حالیہ انٹرویومیں انھوںنے کہا کہ ایک حالیہ انٹرویو میں انھوں نے کہا کہ وہ ہمیشہ ایکشن اور گلیمرس کردار نبھاتی آئی ہیں لیکن فلم ریس ٹو میں ان کا کردار منفرد نوعیت کا تھا۔ ان کے لیے بہری لڑکی کا کردار ادا کرنا کافی مشکل تھا۔ انھوں نے کہا کہ میں نے فلم میں اپنے کردار پر بہت محنت کی ہے۔ فلم ابھی تک اتنا اچھا بزنس نہیں کر سکی ہے لیکن وہ اپنی اداکاری سے مطمئن ہیں۔

انھوں نے مذید کہا کہ اپنے کام میں نکھار لانے کی کوشش کرتی رہتی ہوں ،اب تک جو کچھ کیا اس پر مطمئن ہوں کوئی غلط کام نہیں کیا ۔اپنے اسٹائل میں زندہ ہوں اور لوگوں کی بڑی تعداد کی پسند کا بھی خیال رکھتی ہوں منفی کردار بھی کرتی ہوں ۔کسی بھی کردار میں حقیقت کا رنگ بھرنے کے لیے اسے گہرائی سے دیکھتی ہوں ۔آج تک کسی بھی قسم کے رول میں ناکام نہیں ہوئی ،اپنے عزائم پختہ ہیں۔بالی وڈ میں منفرد مقام بنانے میں بھی کامیاب رہوں گی ۔ایک سوال کے جواب میں انھوں نے بتایا کہ رواں سال 19اپریل کو ریلیز ہونے والی فلم ''بھیا جی سپر ہٹ ''میں سنی دیول ،ارشد وارثی ،متھن چکرورتی اور پریتی زنٹا کے ساتھ نظر آئوں گی۔



ہدایتکار نیراج پھاٹک کی اس فلم کا میوزک فوزیہ عرشی نے تیار کیا ہے ،جب کہ کہانی خود نیراج نے تحریر کی ہے ۔واضح رہے کہ امیشا پاٹیل 9جون 1975کو ممبئی میں پیدا ہوئیں۔ 37سالہ اداکارہ نے 2000میں فلم ''کہو نہ پیار ہے''سے کیرئیر کا آغاز کیا۔ اس سے پہلے وہ اقتصادیات میں گریجویشن کرنے کے بعد ایک نجی کمپنی میں ملازمت کرتی رہیں جس دوران انھیںبیرون ملک اداکاری کی پیشکش ہوئی مگرامیشا پٹیل نے وطن واپس آکرار دو تھیٹر میں کام شروع کرنے کا فیصلہ کیا ۔امیشا پٹیل نے 1999 میں اسٹیج تھیٹر'' نیلام''میں پہلی بار پرفارم کیا اور اسی دوران ماڈلنگ شروع کردی اور کئی کمرشلز میں کام کیا ۔

2000 میںاداکارہ نے پہلی ہندی فلم ''کہو نہ پیارہے ''میں پرفارم کیا اس کے بعد تلگو فلم ''بدری ''میں جلوہ گرہوئیں،2001 میں فلم ''اک پریم کتھا ''میں عمدہ پرفارمنس پر اداکارہ کے فن کو سراہا گیا اور دو اہم ایوارڈ بھی جیت لیے ۔اسی سال فلم ''یہ زندگی کا سفر'' میں کردار نبھایا۔ 2002میں فلم ''کرانتی ''،''کیا یہی پیار ہے''،''آپ مجھے اچھے لگتے ہو''،''ہمراز'' اور ''یہ ہے جلوہ ''میں کام کرکے شائقین کے دل جیتے۔ 2003کے دوران فلم ''پروانہ''کی اور 2004میں فلم ''سنو سسر جی''، ''شرط'' اور فلم ''نانی '' میں پرفارم کیا ۔

2005میں فلم ''وعدہ''، ''اعلان''، ''ضمیر''، ''منگل پا نڈے'' میں بھی اہم کردار نبھائے۔ 2006کے دوران اداکارہ نے فلم ''میرے جیون ساتھی'' ہم کو تم سے پیار ہے ''،''تیسری آنکھ''،''آنکھیں ''اور فلم ''آپ کی خیر ''میں جلوے دکھائے۔ 2007میں فلم ''ہنی مون ''،''بھول بھلیا''،''اوم شانتی اوم''میں کام کیا۔ 2008میں اداکارہ نے فلم'' تھوڑاپیار تھو ڑا میجک ''کی ۔ 2011 میں فلم ''چتر سنگھ'' میں کام کیا ۔امیشا پٹیل کی فلم ''رن بھولا رن''بھی ریلیز کے لیے تیار ہے ۔جب کہ 5مزید فلمیں جن میں ''شارٹ کٹ رومیو'' ، ''بھیا جی سپر ہٹ''، ''سنگھ صاب دی گریٹ ''،''دیسی میجک ''اور فلم ''پیراڈ ائز اسٹریٹ '' تکمیل کے مراحل میں داخل ہورہی ہیں ۔ یہ پانچ فلمیں 2013میں ریلیز کی جائیں گی ۔