خالد محمود کی حالت میں بہتری آنے لگی وینٹی لیٹر سے ہٹا دیا گیا

ایم آر آئی رپورٹ میں بھی کوئی خطرناک چیز دکھائی نہیں دے رہی تاہم ابھی وہ ہوش میں نہیں ہیں۔فوٹو : فائل

---

بنگلادیش کے سابق کپتان خالد محمود کی حالت میں بہتری کی آثار دکھائی دینے لگے۔

بنگلادیشی کرکٹ بورڈ حکام کا کہنا ہے کہ انھیں وینٹی لیٹر سے ہٹا دیا گیا جبکہ ایم آر آئی رپورٹ میں بھی کوئی خطرناک چیز دکھائی نہیں دے رہی تاہم ابھی وہ ہوش میں نہیں ہیں۔

یاد رہے کہ سابق کرکٹر اور بی سی بی کے موجودہ ڈائریکٹر اتوار کی شام اسٹروک کی وجہ سے کوما میں چلے گئے تھے۔